ஐசிசி அறிவிப்பு
ஐசிசியின் கடந்த 10 ஆண்டுகளுக்கான 3 வடிவங்களின் அணிகள் அறிவிக்கப்பட்டு வருகின்றன. இதன்படி விருதுக்குரிய இந்த அணிகளின் பட்டியலில் கேப்டன் விராட் கோலி, முன்னாள் கேப்டன் எம்எஸ் தோனி, குறைந்த ஓவர்கள் கிரிக்கெட்டின் துணை கேப்டன் ரோகித் சர்மா மற்றும் ஸ்பின்னர் ஆர் அஸ்வின் உள்ளிட்டோர் இடம்பெற்றுள்ளனர்.
ஒருநாள் மகளிர் அணி அறிவிப்பு
இதனிடையே, கடந்த 10 ஆண்டுகளுக்கான ஒருநாள் போட்டிகளுக்கான மகளிர் அணியும் அறிவிக்கப்பட்டுள்ளது. இதில் இந்தியாவின் மிதாலி ராஜ், ஜூலான் கோஸ்வாமி ஆகியோர் இடம் பெற்றுள்ளனர். இதேபோல அலிசா ஹீலி, சூசி பேட்ஸ், எல்லிஸ் பெர்ரி உள்ளிட்ட வீராங்கனைகளும் இந்த அணியில் இடம் பெற்றுள்ளனர்.
டி20 மகளிர் அணி அறிவிப்பு
இதேபோல கடந்த 10 ஆண்டுகளுக்கான மகளிர் டி20 போட்டிகளுக்கான அணியும் அறிவிக்கப்பட்டுள்ளது. இதில் இந்தியாவின் ஹர்மன்பிரீத் கவுர் மற்றும் பூனம் யாதவ் இடம் பெற்றுள்ளனர். ஆஸ்திரேலிய மகளிர் கேப்டன் மெக் லானிங் இந்த அணிக்கும் கேப்டனாக அறிவிக்கப்பட்டுள்ளார்.
துணை வீரர், வீராங்கனை அறிவிப்பு
கடந்த 10 ஆண்டுகளின் சிறந்த துணை வீரருக்கான விருது ஸ்காட்லாந்தை சேர்ந்த கெய்ல் கொய்ட்சிற்கும் மற்றும் சிறந்த துணை வீராங்கனைக்கான விருது ஸ்காட்லாந்தை சேர்ந்த கேத்ரீன் ப்ரைசிற்கும் வழங்கப்படவுள்ளது. கடந்த 10 ஆண்டுகளில் கிரிக்கெட்டில் சிறப்பான சாதனை செய்தவர்களுக்கு இந்த விருதுகள் அறிவிக்கப்பட்டுள்ளது குறிப்பிடத்தக்கது.