31- 131
இராக் தாமஸ் டொபாகோ கிரிக்கெட் சங்கம் நடத்திய போட்டி ஒன்றில் ஆடியபோதுதான் இந்த சாதனையைப் படைத்தார். அவர் மொத்தம் 31 பந்துகளில் 131 ரன்களைக் குவித்து அசத்தினார்.
8 ஓவர்களில் ஓவர் ஓவர்!
152 என்ற வெற்றி இலக்கைத் துரத்தி வந்த தாமஸ் ஆடிய அணி, தாமஸ் போட்ட போடால் எட்டு ஓவர்களிலேயே போட்டியை முடித்து வெற்றி பெற்று விட்டது.
புதிய சாதனை
21 பந்துகளில் சதம் என்பது டி20 போட்டிகளில் புதிய உலக சாதனை ஆகும். இதற்கு முன்பு இந்த சாதனை கெய்ல் வசம் இருந்தது.
கெய்ல் சாதனை
கடந்த 2013 ஐபிஎல் தொடரின்போது புனே வாரியர்ஸ் அணிக்கு எதிரான போட்டியில் பெங்களூர் ராயல் சேலஞ்சர்ஸ் அணி வீரர் கெய்ல் 30 பந்துகளில் சதம் போட்டதே சாதனையாக இருந்தது.
மெக்கல்லம்- டிவில்லியர்ஸ் சாதனையும் காலி
கெய்ல் சாதனை மட்டுமல்லாமல் மெக்கல்லம், டிவில்லியர்ஸ் ஆகியோரது சாதனைகளையும் தகர்த்துள்ளார் தாமஸ். இந்த ஆண்டு தொடக்கத்தில் ஆஸ்திரேலியாவுக்கு எதிராக நடந்த டெஸ்ட் போட்டியில் 54 பந்துகளில் சதம் போட்டிருந்தார் மெக்கல்லம். அதேபோல 2015ல் மேற்கு இந்தியத் தீவுகளுக்கு எதிரான ஒரு நாள் போட்டியில் டிவில்லியர்ஸ் 31 பந்துகளில் சதம் போட்டிருந்தார். இவற்றையும் சேர்த்து தாமஸ் தகர்த்து விட்டார்.
15 சிக்ஸர்கள்
தாமஸ் தனது ஆட்டத்தின்போது 15 சிக்ஸர்களை விளாசினார், பவுண்டரிகளின் எண்ணிக்கை 5 ஆகும். இதற்கு முன்பு இவர் 53 பந்துகளில் 97 ரன்கள் குவித்து அசத்தியிருந்தார் என்பது நினைவிருக்கலாம்.