இந்திய அணி தடுமாற்றம்
தவான் 21, அம்பதி ராயுடு 18 ரன்கள் எடுத்து ஆட்டமிழக்கவே இந்திய அணி சற்று தடுமாறியது. ஆனால் கேப்டன் விராட் கோலி நிலைத்து நின்று அதிரடி காட்டினார்.
சதமடித்த சதம்
அவருக்கு தமிழக வீரர் விஜய் சங்கரும் பக்கபலமாக இருந்தார். 107 பந்துகளில் விராட் கோலி சதம் அடித்தார். சர்வதேச ஒருநாள் போட்டிகளில் விராட் கோலி அடிக்கும் 40ஆவது சதம் இது.
50 அரைசதம் அடித்து சாதனை
இந்த போட்டியில் ஒருநாள் போட்டிகளில் 50 அரைசதங்களை கடந்த வீரர் என்ற பெருமை பெற்றார். கேப்டனாக சர்வதேச கிரிக்கெட்டில் ஒன்பதாயிரம் ரன்களை கடந்து சாதனை படைத்துள்ளார்.
159 இன்னிங்ஸ், 40 சதம்
இந்த சாதனையை விராட் கோலி 159 இன்னிங்களில் படைத்துள்ளார். அதற்கு முன்னர் இந்த சாதனையை ஆஸ்திரேலிய முன்னாள் கேப்டன் ரிக்கி பாண்டிங் 204 இன்னிங்ஸ்களில் படைத்திருந்தார்.
9000 ஆயிரம் ரன்கள்
சதம் விளாசியதோடு, கேப்டனாக வேகமாக 9000 ரன்களை கடந்த வீரர் என்ற பெருமையை கோலி பெற்றுள்ளார். சர்வதேச கிரிக்கெட் அரங்கில் ஒருநாள் கிரிக்கெட் போட்டிகளில் 49 சதங்கள் அடித்து ஜாம்பவான் சச்சின் டெண்டுல்கர் முதலிடத்தில் உள்ளார். ஆனால்... சச்சின் தனது 355வது ஒருநாள் போட்டியில் தான் 40வது சதம் அடித்தார்.
அதேபோல் இதற்கு முன்பாக கேப்டனாக கோலி நான்காயிரம், ஐந்தாயிரம், ஆறாயிரம், ஏழாயிரம், எட்டாயிரம் ரன்களை விரைவாக குவித்து சாதனை படைத்தார் என்பது குறிப்பிடத்தக்கது. இதே வேகத்தில் சென்றால்... கிரிக்கெட் உலகில் யாரும் செய்ய முடியாத பல சாதனைகளை எட்டிவிடுவார் என்று வல்லுநர்கள் தெரிவித்துள்ளனர்.
சாதனை சதம்
சச்சினை விட 139 இன்னிங்ஸ் குறைவாக விளையாடி விராட் கோலி 40 சதம் அடித்து புதிய சாதனையை படைத்துள்ளார். தற்போது விளையாடி வரும் கிரிக்கெட் வீரர்களில் யாருமே விராட் கோலியின் சாதனையை நெருங்குவது சாத்தியமில்லாத ஒன்று என்று கிரிக்கெட் வல்லுநர்கள் தெரிவித்துள்ளனர்.
அதேபோல் இதற்கு முன்பாக கேப்டனாக கோலி நான்காயிரம், ஐந்தாயிரம், ஆறாயிரம், ஏழாயிரம், எட்டாயிரம் ரன்களை விரைவாக குவித்து சாதனை படைத்தார் என்பது குறிப்பிடத்தக்கது. இதே வேகத்தில் சென்றால்... கிரிக்கெட் உலகில் யாரும் செய்ய முடியாத பல சாதனைகளை எட்டிவிடுவார் என்று வல்லுநர்கள் தெரிவித்துள்ளனர்.