இந்திய அணி வெற்றி
இந்திய நட்சத்திர வீரர் விராட் கோலி, இந்த போட்டியிலும் தனது தாக்கத்தை ஏற்படுத்தியிருந்தார். சூர்யகுமார் யாதவுடன் ஜோடி சேர்ந்த அவர், 28 பந்துகளில் 7 பவுண்டரிகள் மற்றும் ஒரு சிக்ஸருடன் 49 ரன்களை குவித்தார். கடைசி ஓவரில் அரைசதத்தை பூர்த்தி செய்ய வாய்ப்பு இருந்தும், அணிக்காக அதனை தியாகம் செய்தார்.
விராட் கோலி சாதனை
இந்நிலையில் நேற்றைய போட்டியின் மூலம் விராட் கோலி பிரமாண்ட சாதனையை படைத்துள்ளார். அதாவது டி20 கிரிக்கெட்டில் 11,000 ரன்களை கடந்த முதல் இந்திய வீரர் என்ற பெருமையை விராட் கோலி படைத்தார். (இது அனைத்துவிதமான டி20 கிரிக்கெட்டிலும் ஆகும்). இதுவரை 354 டி20 போட்டிகளில் விளையாடியுள்ள அவர் 11,030 ரன்களை குவித்தார்.
சர்வதேச ரெக்கார்ட்கள்
சர்வதேச அளவில் இந்த சாதனையை செய்யும் 3வது வீரர் விராட் கோலி ஆகும். இதற்கு முன்பாக வெஸ்ட் இண்டீஸ் வீரர்கள் கிறிஸ் கெயில், கெயீரன் பொல்லார்ட் மற்றும் பாகிஸ்தான் வீரர் சோயிப் மாலிக் ஆகியோர் செய்துள்ளனர்.
கிறிஸ் கெயில் - 463 போட்டிகளில் 14, 562 ரன்கள்
பொல்லார்ட் - 614 போட்டிகளில் 11,915 ரன்கள்
சோயிப் மாலிக் - 481 போட்டிகளில் 11,902 ரன்கள்
விராட் கோலி - 354 போட்டிகளில் 11,030 ரன்கள்
ரோகித்தும் சாதனை
விராட் கோலியை போலவே ரோகித் சர்மாவும் புதிய மைல்கல்லை எட்டினார். அதாவது நேற்றைய போட்டியின் மூலம் 400 டி20 கிரிக்கெட் போட்டிகளில் விளையாடிய முதல் இந்திய வீரர் என்ற பெருமையை ரோகித் சர்மா பெற்றார். அதனை சிறப்பாக்கும் வகையில் 37 பந்துகளில் 43 ரன்களை குவித்துவிட்டு சென்றார்.