கோலியின் ஃபார்ம்
அதற்கு காரணம், விராட் கோலி பயிற்சி ஆட்டத்தில் பார்ம்க்கு திரும்பிய சமிக்கைகளை காட்டினார். லெஸ்டர்ஷிர் அணிக்கு எதிராக முதல் இன்னிங்சில் பொறுமையாக விளையாடி 33 ரன்களை சேர்த்தார். இதே போன்று இரண்டாவது இன்னிங்சிலும் விராட் கோலி தனது டிரெட் மார்க் ஷாட்களை ஆடி 67 ரன்கள் சேர்த்தார்.
ஏமாற்றம்
இதனால் விராட் கோலி மீதான எதிர்பார்ப்பு பல மடங்கு எகிறியது. ஆனால், விராட் கோலி 19 பந்துகளில் 11 ரன்கள் எடுத்த போது பாட்ஸ் வீசிய பந்தை லீவ் செய்ய முயன்ற போது பந்து பேட்டில் பட்டு ஸ்டம்பை பதம் பார்த்தது. இதனால் ரசிகர்கள் ஏமாற்றம் அடைய, 2வது இன்னிங்சில் சாதிப்பார் என எதிர்பார்க்கப்பட்டது.
4 பவுண்டரிகள்
இதனைத் தொடர்ந்து, 2வது இன்னிங்சில் விராட் கோலி அபாரமாக விளையாடினார். இதில் விராட் கோலி கவர் டிரைவ் ஆடி பவுண்டரி விளாச, ரசிகர்கள் இன்று 71வது சதம் நிச்சயம் என எதிர்பார்த்தார்கள். விராட் கோலி அடித்த 20 ரன்களில் இதில் 4 பவுண்டரிகள் அடங்கும். ஆனால் பென் ஸ்டோக்ஸ் பந்துவீச, விராட் கோலி வினோத முறையில் அவுட் ஆனார்.
வினோத அவுட்
பந்து ஃபுல் லெங்த்தில் பட்டு ஸ்விங் ஆக, அதனை விராட் கோலி டிரைவ் செய்யும் போது பந்து பவுன்ஸ் ஆகி விக்கெட் கீப்பரிடம் சென்றது. பந்து பவுன்ஸ் ஆனதால் விக்கெட் கீப்பர் அதனை பிடிக்க முயன்ற போது தவறவிட்டார். அப்போது அருகில் நின்ற ஜோ ரூட், அந்த பந்தை கீழே விழ விடாமல், கேட்ச் பிடிக்க விராட் கோலி மீண்டும் ஏமாற்றத்துடன் சென்றார்.