பட்லர் கர்ரன்
அதில் விராட் கோலி தவிர்த்து, இங்கிலாந்து வீராங்கனை டாமே பியாமவுன்ட், இங்கிலாந்து வீரர்கள் ஜோஸ் பட்லர், சாம் கர்ரன், ரோரி பர்ன்ஸ் ஆகியோரும் தேர்வு செய்யப்பட்டுள்ளனர்.
ஸ்மிருதி மந்தனா
இந்திய மகளிர் கிரிக்கெட் அணியின் தொடக்க ஆட்டக்காரர் ஸ்மிருதி மந்தனாவும் சிறந்த கிரிக்கெட் வீராங்கனையாக தேர்வு செய்யப்பட்டுள்ளார். டி20 போட்டியில் சிறந்த வீரராக தொடர்ந்து 2-வது ஆண்டாக ஆப்கானிஸ்தான் வீரர் ரஷித் கான் தேர்வு செய்யப்பட்டுள்ளார்.
கோலியின் 11 சதங்கள்
2018-ம் ஆண்டில் விராட் கோலி 2,735 ரன்களை டெஸ்ட், ஒருநாள், மற்றும் டி20 போட்டிகளில் சேர்த்துள்ளார். அதில் 11 சதங்களை விராட் கோலி அடித்துள்ளார். கடந்த ஆண்டு இங்கிலாந்து டெஸ்ட் தொடரில் இந்திய அணி 4-1 என்ற கணக்கில் இங்கிலாந்து அணியிடம் தோற்றது. ஆனால், கோலி, 5 டெஸ்ட் போட்டிகளில் 2 சதங்களுடன் 593 ரன்கள் குவித்தார்.
59 ரன்கள் சராசரி
கோலி குறித்து விஸ்டன் ஆசிரியர் லாரன்ஸ் பூத் கூறுகையில், " 2014-ம் ஆண்டு இங்கிலாந்துக்கு கோலி வந்திருந்த போது 134 ரன்கள் மட்டுமே எடுத்தார். அவரின் சராசரி 13.40 ஆகும். ஆனால், கடந்த முறை அவர் 593 ரன்கள் சேர்த்து 59.30 ரன்கள் சராசரி வைத்துள்ளார் என்று தெரிவித்துள்ளார்.