சிறந்த ஜோடி
ஆனால் சுழற்பந்துவீச்சாளர்களான சஹால் மற்றும் குல்தீப் ஜோடி இந்தியாவில் மட்டுமல்லாது, வெளிநாடுகளில் குறிப்பாக, ஆஸ்திரேலியா, இங்கிலாந்து மற்றும் தென் ஆப்ரிக்கா தொடர்களில் மிகச் சிறப்பாக செயல்பட்டனர். குல்தீப் மற்றும் சஹால் இருவரின் கிரிக்கெட் வாழ்க்கையிலும் முக்கிய பங்கு வகித்தவர் தோனி.
உதவிய தோனி
அணியில் பல நேரங்களில் அனைத்து விதங்களில் ஆலோசனைகளை வழங்கி இருக்கிறார். இந் நிலையில், தோனி உதவியது குறித்து சஹால் கூறியதாவது: எங்களது கிரிக்கெட் வாழ்க்கைக்கு மிகவும் உதவியாக இருப்பவர் தோனிதான்.
திருத்தும் செயல்பாடுகள்
எது நடந்தாலும் எங்களுக்கு உதவியாக தோனி இருப்பார். நாங்கள் தவறாக செல்லும் ஒவ்வொரு முறையும், எங்களைத் திருத்தும் நடவடிக்கையில் தோனி இறங்கி இருக்கிறார்.
எங்களுக்கு ஆசான்
குல்தீப் எனக்கு சிறந்த ஜோடி. ஐபிஎல் தொடரில் மும்பை இந்தியன்ஸ் அணிக்கு இருவரும் ஒன்றாக ஆடினோம். இருவரும் கிட்டத்தட்ட 6 ஆண்டுகளாக ஒன்றாக ஆடி வருகிறோம். இது எங்களுக்கு சர்வதேச கிரிக்கெட்டில் உதவி வருகிறது. அதற்கும் மேல் சொல்ல வேண்டுமானால் தோனி எங்களுக்கு ஒரு ஆசான் என்றார்.