மும்பை : இந்திய அணி உலகக்கோப்பை தொடரில் பங்கேற்க இங்கிலாந்து நாட்டிற்கு கிளம்பிச் சென்றுள்ளது.
இந்திய அணி இங்கிலாந்து செல்லும் முன் விமான நிலையத்தில் காத்திருந்த போது எடுக்கப்பட்ட புகைப்படங்கள் இணையத்தில் வெளியாகி இருக்கிறது.
அந்த புகைப்படங்களில் பல இந்திய கிரிக்கெட் வீரர்கள் பிரபல மொபைல் வீடியோ கேம் ஆன பப்ஜி (PUBG) விளையாடிக் கொண்டிருந்தது தெரிய வந்துள்ளது.
Off to England ✈️🇮🇳 🏆 pic.twitter.com/6558L313TT
— Yuzvendra Chahal (@yuzi_chahal) May 21, 2019
ரசிகர்கள் புகைப்படங்களை வைத்து யார், யார் பப்ஜி விளையாடியது என கண்டுபிடித்துள்ளார்கள். வேகப் பந்துவீச்சாளர் ஷமி, சுழற் பந்துவீச்சாளர் சாஹல் ஆகியோர் பப்ஜி விளையாடுவது புகைப்படத்தில் தெளிவாக தெரிகிறது.
Jet set to go ✈✈#CWC19 #TeamIndia pic.twitter.com/k4V9UC0Zao
— BCCI (@BCCI) May 21, 2019
அவர்கள் மட்டுமில்லாமல், தோனி, புவனேஸ்வர் குமார், ஜடேஜா ஆகியோரும் அதே விளையாட்டைத் தான் ஆடுகிறார்கள் என்கிறார்கள் ரசிகர்கள்.
தோனி தாங்க எல்லாம்...!! இந்த உலகத்தில அவரை மிஞ்ச ஆளே இல்லை...!!
இந்திய கிரிக்கெட் வீரர்கள் பப்ஜி விளையாடுவது ஒன்றும் புதிதல்ல. கிடைத்த கேப்பில் எல்லாம் அதைத்தான் விளையாடுகிறார்கள் என ஏற்கனவே, பலமுறை செய்திகள் வெளியாகி இருக்கின்றன.
வீடியோ கேம் ஆடுங்க.. என்னமோ பண்ணுங்க.. ஆனா உலகக்கோப்பையில் ஒழுங்கா ஆடி ஜெயிச்சுக் கொடுத்தால் சரிதான். குறைந்தபட்சம் செமி ஃபைனலுக்காவது போயிடுங்கப்பா!