10 ரன் குறைவு
பலம் வாய்ந்த இந்தியாவை வீழ்த்தியிருப்பது வெஸ்ட் இண்டீசுக்கு மிகப்பெரிய மன உறுதியை தந்துள்ளது. இந்தியா மேலும் 10 ரன்கள் கூடுதலாக எடுத்திருந்தால் நிலைமை கஷ்டமாகியிருக்கும் என்பதை உணர்ந்திருந்தோம்.
பிறர் விளையாடினர்
கெயில் விரைவில் நடையை கட்டினாலும், சிம்மன்ஸ், சார்லஸ் மற்றும் ரசல் ஆகியோர் பொறுப்பை தாங்கள் எடுத்துக்கொண்டு வெற்றி பெறச் செய்தனர்.
டாஸ் வெற்றி
டாசில் வெற்றி பெற வேண்டும் என்று கடவுளிடம் நான் வேண்டுதல் வைத்திருந்தேன். ஐந்து போட்டிகளிலும் நானே டாஸ் வென்றது எனக்கே ஆச்சரியம்தான். நாங்கள் வெற்றிபெற வேண்டும் என்ற நோக்கத்தில்தான் இந்தியா வந்தோம்.
எல்லாமே சாம்பியன்
19 வயதுக்குட்பட்டோர் கிரிக்கெட்டில் வெஸ்ட் இண்டீஸ் உலக சாம்பியன் ஆகியுள்ளது. பெண்கள் கிரிக்கெட்டிலும் எங்கள் அணி பைனலுக்கு முன்னேறியுள்ளது. இதையெல்லாம் உத்வேகமாக கொண்டுதான் ஆடி வென்றோம்.
15 கெயில்கள்
வெஸ்ட் இண்டீஸ் அணி என்பது இப்படிப்பட்டதுதான். கிறிஸ் கெயில் நிறைய நெருக்கடிக்கு நடுவே ஆட வேண்டியுள்ளதால் சறுக்குவதாக விமர்சனங்கள் கூறப்படுகிறது. ஆனால் எங்கள் அணியில் கிறிஸ் கெயில் மட்டுமல்ல, 15 பேரும் மேட்ச் வின்னர்கள்தான். இவ்வாறு சம்மி தெரிவித்தார்.
விராட் மட்டுமே
இந்திய அணியில் விராட் கோஹ்லியை மட்டுமே அணி நிர்வாகமும், ஊடகங்களும் ஃபோகஸ் செய்தன. அதற்கேற்ப பிற வீரர்கள் யாரும் பேட்டிங்கில் பெரிதாக சோபிக்கவில்லை. அரையிறுதியில் மட்டுமே ரோகித் ஷர்மா, ரஹானே ஆறுதலுக்கு ரன் அடித்தனர் என்பது குறிப்பிடத்தக்கது.