Click it and Unblock the Notifications
ஜேம்ஸ் ஆன்டர்சன் சாதனை
இங்கிலாந்தின் வேகப்பந்து வீச்சாளர் ஜேம்ஸ் ஆன்டர்சன், டெஸ்ட் போட்டிகளில் 600 விக்கெட்டுகளை வீழ்த்தி சாதனை புரிந்துள்ளார். பாகிஸ்தானுக்கு எதிரான தொடரின் இறுதிப்போட்டியில் இவர் தனது சாதனையை நிகழ்த்தியுள்ளார். அடுத்ததாக 700 விக்கெட்டுகளை நோக்கி தனது பயணம் இருக்கும் என்றும் அவர் நம்பிக்கை தெரிவித்துள்ளார்.
ஜஸ்பிரீத் பும்ரா வாழ்த்து
இவரது இந்த சாதனையையொட்டி சர்வதேச அளவில் பல்வேறு வீரர்கள் அவருக்கு தொடர்ந்து வாழ்த்துக்களை தெரிவித்து வருகின்றனர். இந்நிலையில் இந்திய முன்னணி பௌலர் ஜஸ்பிரீத் பும்ராவும் டிவிட்டர் பக்கத்தின் மூலம் ஆன்டர்சனின் சாதனைக்கு தனது வாழ்த்துக்களை தெரிவித்துள்ளார். கிரிக்கெட்டின் மீதான ஆன்டர்சனின் ஆர்வம் மற்றும் அவரது திறமை அவரை வழிநடத்தியுள்ளதாகவும் குறிப்பிட்டுள்ளார்.
பும்ராவிற்கு யுவராஜ் இலக்கு
இந்நிலையில் ஆன்டர்சனின் சாதனைக்கு யுவராஜ் சிங்கும் வாழ்த்து தெரிவித்துள்ளார். ஒரு வேகப்பந்து வீச்சாளர் 600 விக்கெட்டுகள் சாதனையை நிகழ்த்துவார் என்று தான் நினைக்கவில்லை என்று அவர் தனது டிவிட்டர் பக்கத்தில் குறிப்பிட்டுள்ளார். மேலும் ஜஸ்பிரீத் பும்ராவின் டிவீட்டில் கமெண்ட் செய்துள்ள யுவராஜ், குறைந்தபட்சம் 400 விக்கெட்டுகளையாவது வீழ்த்தி சாதனை படைக்க வேண்டும் என்று இலக்கு நிர்ணயித்துள்ளார்.
14 போட்டிகள்.. 68 விக்கெட்டுகள்
இந்தியாவின் முன்னணி பௌலராக உள்ள ஜஸ்பீரித் பும்ரா, கடந்த 2018ல் தனது முதல் டெஸ்ட் போட்டியில் விளையாடினார். இதுவரை 14 போட்டிகளில் விளையாடி 68 விக்கெட்டுகளை வீழ்த்தியுள்ளார். டெஸ்ட் போட்டிகளில் குறிப்பாக வெளிநாடுகளில் விளையாடும் போட்டிகளில் பும்ரா தனது சிறப்பான ஆட்டத்தை பதிவு செய்து வருகிறார்.
