|
அதிரடியாக சிக்ஸ் அடித்த யுவராஜ்
ஏர் இந்தியா அணிக்காக ஆடி வரும் யுவராஜ் சிங், மாலத்தீவு அணிக்கு எதிரான நட்பு ரீதியிலான போட்டியில் சுவிட்ச் ஹிட் சிக்ஸ் அடித்தார். பந்துவீச்சாளர் யுவராஜ் அடித்து ஆடப் போகிறார் என தெரிந்ததும், பந்தின் நீளத்தை மாற்றினார். எனினும், யுவராஜ் அதிரடியாக சிக்ஸ் அடித்தார்.
ரன் குவிக்க திணறல்
யுவராஜ் சிங் நீண்ட காலமாக இந்திய அணியில் இடம் பெறவில்லை. கடைசியாக ஜூன் 2017இல் வெஸ்ட் இண்டீஸ் அணிக்கு எதிராக ஆடினார். இடையே ரஞ்சி தொடர் மற்றும் உள்ளூர் போட்டிகளில் ஆடினாலும், அதிலும் பெரியளவில் ரன் குவிக்கவில்லை.
ஐபிஎல் மும்பை இந்தியன்ஸ்
இந்த நிலையில் யுவராஜ் சிங் இந்திய அணிக்காக உலகக்கோப்பையில் ஆட நினைத்தாலும் அது வெறும் கனவாகவே உள்ளது. அடுத்து அவர் ஐபிஎல் தொடரில் மும்பை இந்தியன்ஸ் அணிக்காக ஆடவுள்ளார்.
1 கோடிக்கு ஏலம்
கடந்த ஆண்டு நடந்த ஐபிஎல் தொடரில் யுவராஜ் ரன் குவிக்க முடியாமல் திணறினார். அதனால், இந்த ஆண்டு ஐபிஎல்-லுக்கான ஏலத்தில் இரண்டு சுற்றுகளில் ஏலம் போகாத யுவராஜ் சிங், கடைசி சுற்றில் மும்பை இந்தியன்ஸ் அணியால் 1 கோடிக்கு ஏலம் எடுக்கப்பட்டார்.
ஐபிஎல்-இல் ஆடுவாரா?
தற்போது சுவிட்ச் ஹிட் எல்லாம் அடித்து தான் இன்னும் அதிரடி வீரர் தான் என கூறி இருக்கும் யுவராஜ் சிங் மும்பை இந்தியன்ஸ் அணிக்காக பல போட்டிகளில் களம் இறங்கி ஆடுவாரா? ரசிகர்களை தன் அதிரடியால் குஷியாக்குவாரா?