12வது போட்டி
ஐஎஸ்எல் 2020-21 தொடர் துவங்கி நடைபெற்று வருகிறது. தொடரின் அனைத்து போட்டிகளும் கோவாவின் மைதானங்களில் திட்டமிடப்பட்டுள்ளன. இன்றைய 12வது போட்டியில் எப்சி கோவா மற்றும் நார்த்ஈஸ்ட் யுனைடெட் அணிகள் மோதவுள்ளன.
7வது இடத்தில் எப்சி கோவா
தொடரில் 4 புள்ளிகளுடன் நார்த்ஈஸ்ட் யுனைடெட் அணி 2வது இடத்திலும் எப்சி கோவா அணி ஒரு போட்டியில் டிரா செய்து ஒரு புள்ளியுடன் 7வது இடத்திலும் உள்ள நிலையில், இன்றைய போட்டியில் கோவா அணியில் இணையவுள்ள பிரான்டன் பெர்னான்டஸ் சிறப்பாக விளையாடி அணியை வெற்றியை நோக்கி கொண்டு செல்வார் என்று எதிர்பார்க்கப்படுகிறது.
இரு அணிகளும் தீவிரம்
இதனிடையே, இந்த போட்டியில் வெல்வதன்மூலம் புள்ளிகள் பட்டியலில் முன்னேற நார்த்ஈஸ்ட் யுனைடெட் அணி திட்டமிட்டுள்ளது. கோவாவின் படோர்டாவில் உள்ள ஜவஹர்லால் நேரு மைதானத்தில் இன்னும் சிறிது நேரத்தில் போட்டி துவங்கவுள்ள நிலையில் போட்டி இரு அணிகளுக்கிடையில் தீவிரமாக இருக்கும் என்று எதிர்பார்க்கப்படுகிறது.
வெற்றி பெற தீவிரம்
மும்பை சிட்டி அணிக்கு எதிரான கடந்த போட்டியில் கோவா அணி தீவிரமாக விளையாடிய போதிலும் வெற்றியை பெற முடியவில்லை. இதனிடையே முன்னதாக நார்த்ஈஸ்ட் யுனைடெட் அணிக்கு எதிரான 12 போட்டிகளில் 5 போட்டிகளில் கோவா அணி வெற்றி பெற்றுள்ளது. அதே தீவிரத்துடன் இன்றைய போட்டியிலும் கோவா அணி விளையாடும் என்று எதிர்பார்க்கப்படுகிறது.