91வது போட்டி
கோவாவின் வாஸ்கோடகாமாவில் திலக் மைதானத்தில் ஐஎஸ்எல் 2020 -21 தொடரின் 91வது போட்டி இன்றைய தினம் நடைபெறவுள்ளது. இதில் 4வது இடத்தில் உள்ள ஐதராபாத் எப்சி அணி மற்றும் 10வது இடத்தில் உள்ள எஸ்சி ஈஸ்ட் பெங்கால் அணிகள் மோதவுள்ளன.
சிறப்பான முன்னேற்றம்
இந்த தொடரில் சிறப்பாக முன்னேற்றமடைந்து சிறப்பான போட்டிகளை தந்து 4வது இடத்தில் ஐதராபாத் எப்சி அணி காணப்படுகிறது. 3வது மற்றும் 5வது இடங்களில் உள்ள எப்சி கோவா மற்றும் நார்த்ஈஸ்ட் யுனைடெட் அணிகளுடன் சமமான 23 புள்ளிகளுடன் ஐதராபாத் அணி காணப்படுகிறது.
சமநிலையில் அணிகள்
இந்த 3 அணிகளும் தலா 16 போட்டிகளை விளையாடி அதிலும் சமநிலையில்காணப்படுகின்றன. கடந்த நார்த்ஈஸ்ட் அணியுடனான போட்டியில் இரு அணிகளும் கோல் அடிக்காத நிலையில் தற்போதைய 4வது இடத்தில் ஐதராபாத் அணி முன்னேறியுள்ளது.
ப்ளே-ஆப் கனவு
இந்நிலையில் ஐஎஸ்எல் புள்ளிகள் பட்டியலில் 10வது இடத்தில் இருந்தாலும் அடுத்தடுத்து விளையாடவுள்ள போட்டிகளில் வெற்றி பெற்றால் ப்ளே -ஆப்பிற்கு முன்னேறும் வாய்ப்புள்ளதால் இந்த போட்டியில் வெற்றி பெற ஈஸ்ட் பெங்கால் அணி தீவிரம் காட்டும் என்று எதிர்பார்க்கலாம்.