56வது போட்டி
ஐஎஸ்எல் 2020 -21 தொடரின் 56வது போட்டி இன்றைய தினம் கோவாவின் திலக் மைதானத்தில் நடைபெறவுள்ளது. இந்த போட்டியில் நார்த்ஈஸ்ட் யுனைடெட் எப்சி மற்றும் பெங்களூரு எப்சி அணிகள் மோதவுள்ளன. 6வது மற்றும் 7வது இடங்களில் உள்ள இந்த அணிகள் இன்றைய போட்டியில் மோதவுள்ள நிலையில் பரபரப்புக்கு குறைவில்லாமல் போட்டி இருக்கும் என்பதில் சந்தேகமில்லை.
7வது இடத்தில் நார்த்ஈஸ்ட்
நார்த்ஈஸ்ட் யுனைடெட் மற்றும் பெங்களூரு இரு அணிகளும் இந்த தொடரில் மிகவும் வலிமையாகவே போட்டிகளின் துவக்கத்தில் விளையாடின. ஆனால் தொடர்ந்து 3 போட்டிகளில் நார்த்ஈஸ்ட் யுனைடெட் அணி தோல்வியடைந்து 11 புள்ளிகளுடன் 7வது இடத்தில் உள்ளது.
துணை கோச் உறுதி
இதேபோல பெங்களூரு அணி 12 புள்ளிகளுடன் 6வது இடத்தில் உள்ளது. இந்நிலையில் இரு அணிகளும் வெற்றி பெற்று அடுத்த கட்டத்திற்கு முன்னேறும் தீவிரத்துடன் இன்றைய போட்டியில் விளையாடவுள்ளன. இந்நிலையில் தங்களது குறைகளை மட்டுமின்றி நிறைகளையும் கவனத்தில் கொண்டு இன்றைய போட்டியில் விளையாட உள்ளதாக நார்த்ஈஸ்ட் அணியின் துணை கோச் ஆலிசன் தெரிவித்துள்ளார்.
நார்த்ஈஸ்ட் கோச் நம்பிக்கை
இன்றைய போட்டியில் அணி வீரர்கள் சிறப்பான ஆட்டத்தை அளிப்பார்கள் என்றும் அவர் நம்பிக்கை தெரிவித்துள்ளார். இந்நிலையில் கடந்த ஈஸ்ட் பெங்கால் அணிக்கு எதிரான போட்டியின் தோல்வி குறித்து கவலை கொள்ளாமல் நார்த்ஈஸ்ட் யுனைடெட் அணி வெற்றி கொள்ள வேண்டும் என்று அணி வீரர்களுக்கு பெங்களூரு எப்சி அணியின் தற்காலிக கோச் நவுசத் மூசா அறிவுறுத்தியுள்ளார்.