பிரேசிலுக்கு அதிர்ச்சி
இ பிரிவில் நடந்த முதல் லீக் ஆட்டத்தில் செர்பியா 1-0 என கோஸ்டாரிகாவை வென்றது. முன்னாள் உலக சாம்பியனான பிரேசிலுக்கு முதல் ஆட்டத்திலேயே ஷாக் கிடைத்தது. சுவிட்சர்லாந்து 1-1 என டிரா செய்தது. அதற்கடுத்து நடந்த ஆட்டத்தில் பிரேசில் 2-0 என கோஸ்டாரிகாவை வென்றது. சுவிட்சர்லாந்து 2-1 என செர்பியாவை வென்றது.
நாக் அவுட் வாய்ப்பு
இ பிரிவில் பிரேசில் மற்றும் சுவிட்சர்லாந்து தலா 4 புள்ளிகளுடன் உள்ளன. செர்பியா 3 புள்ளிகளுடன் உள்ளது. இன்று நடக்கும் செர்பியாவுக்கு எதிரான ஆட்டத்தில் பிரேசிலும், கோஸ்டாரிகாவுக்கு எதிரான ஆட்டத்தில் சுவிட்சர்லாந்தும் டிரா செய்தாலே அடுத்தச் சுற்றுக்கு முன்னேறும் வாய்ப்பு இருந்தது.
நாக் அவுட் வாய்ப்பு
இதுவரை 11 உலகக் கோப்பையில் விளையாடியுள்ள குட்டி நாடான சுவிட்சர்லாந்து, 1954ல் கடைசியாக கால் இறுதிக்கு முன்னேறியது. கோஸ்டாரிகாவுக்கு எதிரான ஆட்டத்தை சாதாரணமாக எடுத்துக் கொள்ள முடியாது என்ற நிலையில் சுவிட்சர்லாந்து களமிறங்கியது.
அசால்டாக விளையாடியது
முதல் ஆட்டத்தில் பிரேசிலுக்கு அதிர்ச்சி அளித்த சுவிட்சர்லாந்து 31வது நிமிடத்தில் பிலனிம் செமய்லி கோலடிக்க 1-0 என முன்னிலை பெற்றது. 56வது நிமிடத்தில் கோஸ்டாரிகாவின் கென்டல் வாஸ்டன் கோலடித்து சமநிலையை உருவாக்கினார். அசால்டாக விளையாடிய சுவிட்சர்லாந்து அலர்ட் ஆறுமுகமாகி 88வது நிமிடத்தில் கோலடித்தது. ஜோசிப் டிர்மிக் கோலடித்தார். கடைசி நேரத்தில் சுவிட்சர்லாந்தின் சோம்னர் சேம் சைடு கோலடிக்க 2-2 என டிராவில் முடிந்தது. இதன் மூலம் சுவிட்சர்லாந்து நாக் அவுட் பிரிவுக்கு முன்னேறியது.