ஃபிபா உலகக் கோப்பை... இரண்டாவது சுற்றுக்கு அசத்தல் என்டரி... ரஷ்யா மற்றும் உருகுவே மிரட்டல்!

அடுத்தது நாக்அவுட் சுற்று

லீக் சுற்று ஆட்டங்கள் ஜூன் 14-ம் தேதி முதல் ஜூன் 28 வரையில் நடக்கிறது. இரண்டாம் கட்ட நாக் அவுட் சுற்று ஆட்டங்கள் ஜூன் 30ல் துவங்குகிறது. கால் இறுதி ஆட்டங்கள் ஜூலை 6, 7-ம் தேதிகளிலும் அரை இறுதி ஆட்டங்கள் 10 மற்றும் 11-ம் தேதிகளிலும் நடைபெறுகின்றன. பைனல்ஸ் ஜூலை 15ம் தேதி நடைபெறுகிறது.

32 அணிகள் பங்கேற்பு

இந்த உலகக் கோப்பையில் ஏ பிரிவில் ரஷ்யா, சவுதி அரேபியா, எகிப்து, உருகுவே, பி பிரிவில் போர்ச்சுகல், ஸ்பெயின், மொராக்கோ, ஈரான், சி பிரிவில் பிரான்ஸ், ஆஸ்திரேலியா, பெரு, டென்மார்க், டி பிரிவில் அர்ஜென்டினா, ஐஸ்லாந்து, குரேஷியா, நைஜீரியா. இ பிரிவில் பிரேசில், சுவிட்சர்லாந்து, கோஸ்டாரிகா, செர்பியா, எப் பிரிவில் ஜெர்மனி, மெக்சிகோ, ஸ்வீடன், தென்கொரியா, ஜி பிரிவில் பெல்ஜியம், பனாமா, துனீஷியா, இங்கிலாந்து, எச் பிரிவில் போலந்து, செனகல், கொலம்பியா, ஜப்பான் அணிகள் இடம்பெற்றுள்ளன.

ரஷ்யா உருகுவே முன்னேறியது

இதில் ஏ பிரிவில் இன்று நடந்த ஆட்டத்தில் உருகுவே 1-0 என்ற கோல் கணக்கில் சவுதி அரேபியாவை வென்றது. இதன் மூலம் புள்ளிப் பட்டியலில் 6 புள்ளிகளுடன் உள்ள ரஷ்யா மற்றும் உருகுவே அடுத்தச் சுற்றுக்கு முன்னேறின. சவுதி அரேபியா மற்றும் எகிப்து வெளியேறின.

வெளியேறிய அணிகள்

தற்போதைய நிலையில் பி பிரிவில் மொராக்கோ இரண்டு தோல்விகளை சந்தித்து வெளியேறியுள்ளது. உலகக் கோப்பையில் பங்கேற்ற 32 அணிகளில் 2 அணிகள் அடுத்துச் சுற்றுக்கு முன்னேறியுள்ள நிலையில், மூன்று அணிகள் வெளியேறியுள்ளன.