ஜெர்மனியிடம் தோல்வி
2010ல் நடந்த உலகக் கோப்பையிலும் கால் இறுதியில் ஜெர்மனியிடம் தோல்வியடைந்து அர்ஜென்டினா வெளியேறியது. 2014ல் பைனலில் மீண்டும் ஜெர்மனியிடம் தோல்வியடைந்தது.
மாரடோனா சாதனை சமன்
தற்போது 31 வயதாகும் மெஸ்ஸி, இன்று நடந்த ஆட்டத்தில் 2 கோல்களை அடிக்க உதவி செய்தார். 1986ல் மரடோனா செய்த அந்த சாதனையை சமன் செய்தார். ஆனால் மெஸ்ஸி கோல் ஏதும் அடிக்கவில்லை. இதுவரை உலகக் கோப்பையில் நாக் பிரிவில் விளையாடிய 8 ஆட்டங்களிலும் மெஸ்ஸி கோல் அடிக்கவில்லை.
6 கோல்கள் மட்டுமே அடித்துள்ளார்
இதுவரை 4 உலகக் கோப்பைகளில் 6 கோல்களை மட்டுமே அடித்துள்ளார் மெஸ்ஸி. அர்ஜென்டினா அணிக்காக 127 ஆட்டங்களில் 65 கோல்கள் அடித்துள்ள மெஸ்ஸி, 2016ல் ஓய்வு பெறுவதாக அறிவித்தார். ஆனால் முடிவை மாற்றிக் கொண்டு மீண்டும் திரும்பினார்.
மெஸ்ஸியின் முடிவு
உலகக் கோப்பையை வெல்லும் கனவு நிறைவேறாத நிலையில், அவர் தொடர்ந்து சர்வதேசப் போட்டிகளில் விளையாடுவாரா என்ற சந்தேகம் ஏற்பட்டுள்ளது. 2022ல் கத்தாரில் நடக்கும் உலகக் கோப்பை போட்டியில் அவர் பங்கேற்பாரா என்ற கேள்வியும் எழுந்துள்ளது.