புரோ கபடி லீக் - ஹரியானா ஸ்டீலர்ஸ், டபாங் டெல்லி வெற்றி.. பரபரப்பான போட்டி முடிவுகள்

ஹரியானா முதல் பாதி ஆதிக்கம்

ஹரியானா ஸ்டீலர்ஸ் - குஜராத் பார்ச்சூன்ஜெயன்ட்ஸ் அணிகள் மோதிய போட்டியில் ஹரியானா, முதல் பாதியில் ஆதிக்கம் செலுத்தியது. இரண்டாம் பாதியில் குஜராத் அணி சுதாரித்தது. எனினும், அந்த அணியால் வெற்றி பெறும் அளவிற்கு புள்ளிகளை பெற முடியவில்லை.

மோனு கோயாத், குல்தீப் அசத்தல்

தன் சொந்த மண்ணில் ஆடும் ஹரியானா ஸ்டீலர்ஸ் அணி 32 புள்ளிகள் பெற்று 25 புள்ளிகள் பெற்ற குஜராத் அணியை வீழ்த்தியது. ஹரியானா அணியின் நட்சத்திர வீரர் மோனு கோயத் மற்றும் குல்தீப் சிங் தலா 7 ரெய்டு புள்ளிகள் பெற்று அணியின் வெற்றிக்கு வழி வகுத்தனர்.

புனேரி முதல் பாதியில் முன்னிலை

மற்றொரு போட்டியில் புனேரி பல்தான் - டபாங் டெல்லி அணிகள் மோதின. முதல் பாதியில் இரு அணிகளும் நெருக்கமாக புள்ளிகளை பெற்று போட்டியின் சுவாரஸ்யத்தை கூட்டின. புனேரி அணி 22-20 என முதல் பாதியில் முன்னிலையில் இருந்தது.

டபாங் டெல்லி வெற்றி

ஆட்டத்தின் இரண்டாம் பாதியில், டெல்லி அணி சரசரவென முன்னேறியது. கடைசி 5 நிமிடங்களில் டெல்லி அணி தொடர்ந்து முன்னிலையை தக்க வைத்து புனேரி அணியின் போராட்டத்தை வீணாக்கியது. இறுதியில் டபாங் டெல்லி அணி 41-37 என்ற புள்ளிக் கணக்கில் வெற்றி பெற்றது.