வாய்ப்பில்லை
பிறகு, பைல்ஸ் தனது பயிற்சியாளர் சிசிலி லாண்டி மற்றும் யுஎஸ்ஏ ஜிம்னாஸ்டிக்ஸ் தடகள பயிற்சியாளருடன் பேச்சுவார்த்தையில் ஈடுபட்டார். இறுதியில் அவர் போட்டியில் பங்கேற்க மாட்டார் என்ற முடிவு எடுக்கப்பட்டது. ஜோர்டான் சிலிஸ், கிரேஸ் மெக்கல்லம் மற்றும் சுனிசா லீ ஆகியோர் போட்டியில் கலந்து கொண்டது, பைல்ஸ் பங்கேற்க வாய்ப்பில்லை என்பதைக் குறித்தது.
மருத்துவ அனுமதி
சில நிமிடங்கள் கழித்து யுஎஸ்ஏ ஜிம்னாஸ்டிக்ஸ் பைல்ஸ் தொடரில் இருந்து வெளியேறுவதை உறுதிசெய்தது. பிறகு, அதிகாரப்பூர்வமாக நிகழ்வு தொடக்க பட்டியல்கள் புதுப்பிக்கப்பட்டன. பிறகு "சிமோன் ஒரு மருத்துவ பிரச்சினை காரணமாக இறுதி போட்டியில் இருந்து விலகியுள்ளார். எதிர்வரும் காலக்கட்டங்களில் நடைபெறும் போட்டிகளுக்கான மருத்துவ அனுமதியை பெற, அவர் தினமும் ஆய்வுக்கு உட்படுத்தப்படுவார்" என்று அறிவிக்கப்பட்டது.
மனப்பிரச்சனையா?
அமெரிக்க பயிற்சியாளரின் கருத்துக்களின்படி, "பைல்ஸ் இறுதிப் போட்டியில் இருந்து வெளியேறுவது உடல் காயத்தினால் அல்ல. அவரது மனநல பிரச்சினையே காரணம்" என்று கூறியதாக என்.பி.சி செய்தி வெளியிட்டது. டோக்கியோவில் நடைபெறும் இறுதிப் போட்டிக்கு அமெரிக்க அணி தகுதிப் பெறுவதற்கு முக்கிய காரணமாக இருந்ததே பைல்ஸ் தான்.
பெரும் இழப்பு
அவர் மீது வைக்கப்படும் அளவுக்கதிகமான பிரஷரே அவரது பிரச்னைக்கு காரணமாக இருக்கலாம் என்றும் முணுமுணுக்கப்படுகிறது. பைல்ஸ் இறுதிப் போட்டியில் இருந்து வெளியேறி இருப்பது அமெரிக்க அணியின் மிகப்பெரிய இழப்பாகவும் பார்க்கப்படுகிறது.