போட்டிகள் நிறைவு
மொத்தம் 45 நாடுகளைச் சேர்ந்த 10 ஆயிரம் வீரர்கள், வீராங்கனைகள் இந்த விளையாட்டுப் போட்டிகளில் பங்கேற்றனர். இந்த 17வது ஆசிய விளையாட்டுப் போட்டிகள் இன்று மாலை நிறைவு பெற்றது. நிறைவு விழாவில் வண்ணமயமான கலைநிகழ்ச்சிகள் நடைபெற்றன.
ஜகார்த்தாவில்..
அடுத்த ஆசியப் போட்டி இந்தோனேஷியாவின் ஜகார்த்தாவில் 2018-ம் ஆண்டு நடைபெறும் என்று அறிவிக்கப்பட்டுள்ளது.
முதலிடத்தில் சீனா
இந்த 17 வது ஆசிய விளையாட்டுப் போட்டியில், 151 தங்கம், 108 வெள்ளி, 83 வெண்கலம் என 342 பகதக்கங்களைப் பெற்று சீனா முதலிடம் வகிக்கிறது.
2வது இடம் தென்கொரியா
79 தங்கம், 71 வெள்ளி, 84 வெண்கலம் என 234 பதக்கங்களுடன் தென்கொரியா 2வது இடத்தைப் பிடித்தது.
3வது இடத்தில் ஜப்பான்
47 தங்கம், 76 வெள்ளி 77 வெண்கலம் என 200 பதக்கங்களுடன் ஜப்பான் 3வது இடத்திலும் உள்ளன. கடந்த ஆசியப் போட்டியிலும் இந்த நாடுகளே முதல் 3 இடங்களை பிடித்தது குறிப்பிடத்தக்கது.
இந்தியாவுக்கு 8வது இடம்
ஆசியாவின் மிகப் பெரிய நாடுகளில் ஒன்றான இந்தியா 11 தங்கம், 10 வெள்ளி, 36 வெண்கலம் என 57 பதக்கங்களுடன் 8 வது இடம் பிடித்துள்ளது.