அணிவகுப்பு
மாலை 6.15க்கு, வீரர்களின் அணிவகுப்பு நடைபெறுகிறது. 45 நாடுகள் இந்த அணிவகுப்பில் கலந்து கொள்கின்றன. இந்தியாவின் சார்பில், ஈட்டி எறிதல் வீரர் நீரஜ் சோப்ரா, தேசியக் கொடியை ஏந்தி, இந்த அணிவகுப்பில் பங்கேற்கிறார்.
பிரபல பாடகர்கள்
அதைத் தொடர்ந்து வண்ணமயமான, கலை, நாட்டிய, இசை நிகழ்ச்சிகள் துவங்குகின்றன. இரவு 8.30 மணி வரை இந்த நிகழ்ச்சிகள் நடைபெறுகின்றன. துவக்க விழாவில் இந்தோனேசியாவின் பிரபல பாடகர்கள் ஆங்குன், ரைசா, துலுஸ், எடோ கோன்டோலோகிட், புத்ரி அயு, பாடின், ஜி.ஏ.சி., காமாசியான், விலா வாலென் ஆகியோரின் இசை நிகழ்ச்சிகள் நடக்கின்றன.
பிரம்மாண்ட மேடை
துவக்க விழா நடைபெறும் ஜி.பி.கே. மைதானத்தில் 120 மீட்டர் நீளம், 30 மீட்டர் அகலம், 26 மீட்டர் உயரமுள்ள மிகப் பெரிய மேடை அமைக்கப்பட்டுள்ளது. மிகப் பெரிய மலையில், அருவிகள் கொட்டும் வகையில் இந்த மேடை வடிவமைக்கப்பட்டுள்ளது.
4000 பேர் நடனம்
பிரபல நடன இயக்குநர்கள் டேனி மாலிக் மற்றும் ஈகோ சுப்ரியான்டோ ஆகியோரின் கண்காணிப்பில், 4000 பேர் கலந்து கொள்ளும் நடன நிகழ்ச்சிகள் நடைபெற உள்ளது.