நார்போக்: “ரெடி, ஸ்டெடி, கோ” என்று தான் எந்த ஒரு ரேஸும் தொடங்குவார்கள். ஆனால், இந்த நத்தை ரேஸ் “ரெடி, ஸ்டெடி, ஸ்லோ” என்று தான் தொடங்குகிறார்கள். இங்கிலாந்தில் கடந்த இருபத்தைந்து வருடங்களுக்கும் மேலாக, உலக நத்தை ரேஸ் சாம்பியன்ஷிப் போட்டிகள் நடந்து வருகிறது.
இது ஏதோ ஒரு நகைச்சுவைக்காகவும், பொழுதுபோக்குக்காகவும் நடத்துவதாக நினைத்தால், நமக்கு ஆச்சரியம் அளிக்கிறார்கள், இதன் போட்டியாளர்களும், இந்த தொடரை நடத்துபவர்களும். இந்த உலக நத்தை ரேஸ் சாம்பியன்ஷிப்புக்கு என ஒரு பயிற்சியாளர் இருக்கிறார். அவர் நத்தைகளை வரிசைப்படுத்துவது, அவற்றுக்கு சறுக்கு பலகையில் பயிற்சி அளிப்பது, சரியான உணவுக் கட்டுப்பாடுகள் பின்பற்றுவதை உறுதி செய்வது என பிரமிக்க வைக்கிறார்.