11 கோல்டு
டோக்கியோ ஒலிம்பிக் பதக்கப் பட்டியலின் முதல் நாளே முதல் இடம் பிடித்தது சீனா தான். ஆனால், அதன்பிறகு அமெரிக்கா மெடல்களை குவித்து வருகிறது. நேற்று வரை அமெரிக்கா தான் முதலிடத்தில் இருந்தது. சீனாவும் சளைக்காமல் பதக்கங்களை அள்ளி வருகிறது. இன்று (ஜுலை.28) மதியம் 2 மணி நிலவரப்படி, ஜப்பான் தங்கம் 11, வெள்ளி 4, வெண்கலம் 5 என மொத்தம் 20 பதக்கங்களுடன் முதலிடத்தில் உள்ளது.
சீனா மூன்றாமிடம்
அமெரிக்கா தங்கம் 10 வெள்ளி 10, வெண்கலம் 9 என மொத்தம் 29 பதக்கங்களுடன் 2வது இடத்தில் உள்ளது. சீனா தங்கம் 10, வெள்ளி 5, வெண்கலம் 8 என மொத்தம் 23 பதக்கங்களுடன் 3வது இடத்தில் உள்ளது. ரஷ்யா 7 தங்கம், 8 வெள்ளி, 4 வெண்கலம் என மொத்தம் 19 பதக்கங்களுடன் 4 வது இடத்தில் உள்ளது.
பிரிட்டன் 6வது இடம்
ஆஸ்திரேலியா 6 தங்கம், 1 வெள்ளி, 8 வெண்கலம் என மொத்தம் 15 பதக்கங்களுடன் 5 வது இடத்தில் உள்ளது. இங்கிலாந்து 5 தங்கம், 6 வெள்ளி, 4 வெண்கலம் என மொத்தம் 15 பதக்கங்களுடன் 6 வது இடத்தில் உள்ளது. தென்கொரியா 3 தங்கம், 2 வெள்ளி, 5 வெண்கலம் என மொத்தம் 10 பதக்கங்களுடன் 7 வது இடத்தில் உள்ளது. ஒரு வெள்ளியுடன் இந்தியா தரவரிசையில் 41 வது இடத்தில் உள்ளது.
ஒரே மெடல்
பளுதூக்குதல் பிரிவில் இந்திய வீராங்கனை மீராபாய் சானு வெள்ளிப்பதக்கம் வென்று அசத்தினார். அதன் பிறகு இந்திய அணிக்கு சில வாய்ப்புகள் கிடைத்தும் அதனை மெடலாக மாற்றும் வாய்ப்பு கை நழுவிப் போனது. அதிகம் எதிர்பார்க்கப்பட்ட இளவேனில் வாலறிவன் உட்பட சில வீரர், வீராங்கனைகள் ஆட்டம் பெரும் ஏமாற்றம் அளிக்கும் வகையில் அமைந்தது. எனினும், இந்திய அணி இன்னும் சில பதக்கங்களை நிச்சயம் வெல்லும் என்று எதிர்பார்க்கலாம்.