ரியோ: ரியோ ஒலிம்பிக்ஸ் மகளிர் டைவிங் 10மீ பிரிவில் சீன வீராங்கனை ரென் கியான் தனது 15 வயதிலேயே தங்கம் வென்றுள்ளார்.
ரியோ ஒலிம்பிக்ஸ் மகளிர் டைவிங் 10மீ பிரிவில் சிறப்பாக விளையாடிய சீன வீராங்கனை ரென் கியான் 439.25 புள்ளிகள் எடுத்து முதலிடம் பிடித்தார். இதன்
மூலம் தனது 15-வது வயதிலேயே அவர் தங்கப் பதக்கத்தை தட்டிச் சென்றார்.
இதற்கு அடுத்ததாக மற்றொரு சீன வீராங்கனையான சை யாஜு 419.40 புள்ளிகளுடன் வெள்ளிப் பதக்கத்தையும், கனடாவின் பென்பெய்டோ 389.20 புள்ளிகளுடன் வெண்கலமும் வென்றனர்.
அமெரிக்க வீராங்கனை மார்ஜோரீகெஸ்ட்ரிங் தான் ஒலிம்பிக்ஸில் தனிநபர் பிரிவில் குறைந்த வயதில் தங்கம் வென்ற வீராங்கனை என்ற சாதனைக்கு சொந்தக்காரர். 1936-ம் ஆண்டு நடைபெற்ற ஒலிம்பிக்ஸில் பங்கேற்ற அவர், ஸ்பிரிங்போர்டு டைவிங்கில் தனது 13 (13 ஆண்டுகள் 268 நாட்கள்) வயதில் தங்கம் வென்றிருக்கிறார்.