காமன்வெல்த்
இதில் இந்திய வீரர், வீராங்கனைகள் அடுத்தடுத்து பதக்கங்களை குவித்து பெருமை சேர்த்தனர். 22 தங்கம், 16 வெள்ளி, 23 வெண்கலம் என மொத்தமாக 61 பதக்கங்களை குவித்து இந்தியர்கள் அசத்தினர். இதன் மூலம் புள்ளிப்பட்டியலில் இந்தியா 4வது இடத்தை பிடித்தது. நாடு முழுவதும் இருந்து அவர்களுக்கு பாராட்டுக்கள் குவிந்து வருகின்றன.
குத்தாட்டம் போட்ட தமிழர்கள்
இந்நிலையில் காமன்வெல்த்-ல் நடந்த மற்றொரு சம்பவம் இணையத்தை கலக்கி வருகிறது. தமிழகத்தை பூர்வீகமாக கொண்ட நடன கலைஞர்களான உஷா ஜே, மித்துஜா, ஜானுஷா ஆகியோர் சர்வதேச அளவில் நடன நிகழ்ச்சிகளை நடத்தி வருகின்றனர். இவர்கள் காமன்வெல்த் அரங்கில் தமிழ் பாடல்களுக்கு குத்தாட்டம் போட்டு அரங்கையே அதிர வைத்தனர்.
Recommended Video
என்ன பாடலுக்கு நடனம்?
'அவன் இவன்' திரைப்படத்தில் யுவன் சங்கர் ராஜா இசையில் உருவான "டியா டியா டோலே" என்ற பாடலுக்கு கண்களை கவரும் வகையில் நடனம் ஆடினர். இதனை பார்த்த அயல்நாட்டவர்களும் நடனமாடி மகிழ்ந்துள்ளனர். சர்வதேச அரங்கில் தமிழ் இசை மற்றும் பெருமைகளை கொண்டு சேர்த்த 3 பெண்களுக்கும் பாராட்டுக்கள் குவிந்து வருகின்றன.
|
உஷாவின் பதிவு
இதுகுறித்து ட்விட்டரில் மகிழ்ச்சி தெரிவித்துள்ள உஷா ஜே, குத்தாட்டம் என்பது எங்களின் கவலைகளை மறந்து மகிழ்ச்சியை ஏற்படுத்தக்கூடிய ஒரு வழி. எங்களின் தொண்மையான நடனக் கலை. எங்களின் கலாச்சாரத்தை இவ்வளவு பெரிய அரங்கில் பறைசாற்றியது மிக மகிழ்ச்சியாக உள்ளது. காமன்வெல்த்-ல் தமிழ் பாடலுக்கு நடனமாடினேன் என்பது இன்னும் எனக்கு ஆச்சரியமாகவே உள்ளது என நெகிழ்ச்சியுடன் பதிவிட்டுள்ளார்.