வீடுகளில் முடங்கிய வீரர்கள்
கொரோனா வைரஸ் தொற்று காரணமாக கடந்த மார்ச் மாதத்தில் இருந்து பல நாடுகளிலும் ஊரடங்கு அமல்படுத்தப்பட்டுள்ளது. இதனால் விளையாட்டு வீரர்கள் குறிப்பாக கிரிக்கெட் வீரர்கள் வீடுகளில் முடங்கியுள்ளனர். அவர்களுக்கு ஒரே ஆதரவு சமூக வலைதளங்கள் மட்டுமே. தாங்கள் வீடுகளில் செய்யும் செயல்பாடுகளை சமூக வலைதளங்கள் மூலம் பகிர்ந்து அதன்மூலம் தங்களது ரசிகர்களை அவர்கள் உற்சாகமூட்டி வருகின்றனர்.
பல்வேறு வீடியோக்கள் பதிவு
வீட்டில் முடங்கினாலும் வீட்டில் இருந்தபடியே பல்வேறு செயல்பாடுகளில் கிரிக்கெட் வீரர்கள் ஈடுபட்டு வருகின்றனர். வீட்டில் இருந்தபடி தாங்கள் செய்யும் பிட்னஸ் பயிற்சிகள் மற்றும் குடும்பத்தினர் குறித்த அப்டேட்டுகளையும் அவர்கள் சமூக வலைதளங்களில் பதிவு செய்து வருகின்றனர். இதன்மூலம் அவர்களை நேரில் பார்க்க முடியாவிட்டாலும் இத்தகைய வீடியோக்கள் மூலம் பார்த்து ரசிகர்கள் தங்களை ஆசுவாசப்படுத்தி வருகின்றனர்.
டேவிட் வார்னர் பரபர
இந்நிலையில் ஆஸ்திரேலிய வீரர் டேவிட் வார்னர், கடந்த ஏப்ரல் மாதம் முதலே டிக்டாக் வீடியோக்களை தொடர்ந்து பதிவு செய்து வருகிறார். தன்னுடைய குடும்பத்தினரையும் இதில் இணைத்து வருகிறார். பெரும்பாலும் அவரது டிக் டாக் வீடியோக்களில் இந்தியாவின் பிரபல பாடல்களை எடுத்து செய்து வருகிறார். இதன்மூலம் இந்திய ரசிகர்களை அவர் வெகுவாக கவர்ந்து வருகிறார்.
மனைவியிடம் பாடம்
பாடல்களுக்கு அவர் நடனம் ஆடும்போது, அவருக்கு நடனம் சரியாக வரவில்லை என்ற கமெண்ட்டுகளை அவர் அதிகமாக எதிர்கொள்ள வேண்டியுள்ளது. ஆனால் அதை அவர் சேலஞ்சாக எடுத்துக் கொண்டு, தன்னுடைய மனைவி கேண்டிசிடம் டான்ஸ் பயிற்சி எடுத்துக் கொண்டு, பிரபு தேவா பாடலுக்கு நடனம் செய்துள்ளார். இருவரில் யாருடைய நடனம் சூப்பராக இருக்கிறது என்றும் கேள்வி எழுப்பியுள்ளார்.