பெருமைக்குரிய விஸ்வநாதன் ஆனந்த்
ஐந்து முறை உலக சாம்பியன் பட்டம் வென்றுள்ள விஸ்வநாதன் ஆனந்த், சர்வதேச செஸ் போட்டியில் இந்தியாவின் பெருமைக்குரிய அங்கமாக பார்க்கப்படுகிறார்.
போட்டியை டிரா செய்த ஆனந்த்
இந்நிலையில் நெதர்லாந்தின் விஜ்க் ஆன் ஸீயில் நடைபெற்று வரும் டாடா ஸ்டீல் மாஸ்டர்ஸ் போட்டியில் பங்கேற்று விஸ்வநாதன் ஆனந்த் ஆடி வருகிறார்.
6வது இடத்தில் ஆனந்த்
இந்தப் போட்டியில் 6 போட்டிகளில் பங்கேற்ற ஆனந்த், ஆரம்பம் முதலே தடுமாற்றமான ஆட்டத்தை வெளிப்படுத்தினார். 6 போட்டிகளில் பங்கேற்று 3 புள்ளிகளை பெற்று ஆறாவது இடத்தில் உள்ளார் ஆனந்த்.
நெதர்லாந்து வீரருடன் போட்டி சமன்
இந்நிலையில் 6வது போட்டியில் நெதர்லாந்தின் 20 வயதான இளம் வீரர் ஜோர்டன் வான் பாரஸ்டுடன் போட்டியிட்ட விஸ்வநாதன் நீண்ட திணறலுக்கு பின்பு ஆட்டத்தை சமன் செய்தார்.
போட்டியை சமன் செய்த வீரர்கள்
இதேபோல சேலஞ்சர்ஸ் சுற்றில் இந்திய வீரர்கள் சூர்ய சேகர் கங்குலி தன்னை எதிர்த்து போட்டியிட்ட கிராண்ட்மாஸ்டர் ஜேன் ஸ்மீட்ஸ் உடனான போட்டியையும் உஸ்பெஸ்கிஸ்தான் வீரர் நோடிர்பெக் அப்துசத்தரோவ்வுடன் மோதி நிஹால் சரினும் தங்களது போட்டிகளை சமன் செய்துள்ளனர்.