Click it and Unblock the Notifications
கோலின் கேப்பர்னிக் சர்ச்சை
அமெரிக்காவில் இனவெறியை எதிர்த்து ஒரு புதிய போராட்ட முறையை தொடங்கி வைத்தார் பிரபல NFL வீரர் கோலின் கேப்பர்னிக். போட்டிக்கு முன் அமெரிக்க தேசிய கீதம் ஒலிக்கும் போது முட்டி போட்டு அதற்கு அமைதி முறையில் எதிர்ப்பு தெரிவிக்கும் அந்த போராட்டத்துக்கு ஆதரவும், எதிர்ப்பும் வலுவாக உள்ளது.
நைக் எதிர்ப்பு
அவரை பயன்படுத்தி நைக் விளம்பரம் செய்ததை கண்ட எதிர்ப்பாளர்கள், நைக் பொருட்களை புறக்கணிக்க வேண்டி தனி போராட்டத்தை துவங்கினர். பலர் நைக் பொருட்களை எரித்தும் தங்கள் எதிர்ப்பை வெளிப்படுத்தினர்.
ரொனால்டோ சர்ச்சை
ஸ்பெயினின் ரியல் மாட்ரிட் அணியில் இருந்து இத்தாலியின் யுவெண்டஸ் அணிக்கு தாவினார் ரொனால்டோ. ஆனால், கூடவே அமெரிக்காவில் இருந்து ஒரு வழக்கையும் கொண்டு வந்தார். லாஸ் வேகாஸ் நகரில் ஒரு பாரில் மாடல் அழகி ஒருவரை பாலியல் ரீதியில் அணுகியதாக குற்றச்சாட்டு எழுந்தது. அதற்கான வழக்கு இன்னும் நடந்து வருகிறது.
செரீனா வில்லியம்ஸ் சர்ச்சை
மகளிர் விம்பிள்டன் இறுதிப் போட்டியில் செரீனா வில்லியம்ஸ் - நவோமி ஒசாகா மோதினர். இந்த போட்டியில் நடுவர் செரீனாவை எச்சரித்தார். அதை விரும்பாத செரீனா கோபமடைய, அதற்கும் நடுவர் பெனால்டி புள்ளிகள் கொடுக்க, செரீனா எரிமலையாக சீறி அந்த இறுதிப் போட்டியை ஒரு நாடகம் போல மாற்றினார். ஜப்பானின் நவோமி பெற்ற வரலாற்று சிறப்புமிக்க வெற்றியை கூட மறைத்து விட்டது செரீனாவின் செயல்.
