Click it and Unblock the Notifications
கால்பந்து வீரரர்கள் இணைந்து
பார்சிலோனாவைச் சேர்ந்த ஜெரார்ட் பிக், ரியல் மாட்ரிட் வீரர் செர்ஜியோ ரமோஸ், டென்னிஸ் ஸ்டார் நடால் போன்றோர் இதில் முக்கியமானவர்கள். தங்களது ரசிகர்கள் மூலமும், பொதுமக்கள் மூலமும் இந்த நிதி சேகரிப்பை இவர்கள் முடுக்கி விட்டுள்ளனர். மேலும் வீடுகளுக்குள் முடங்கியிருப்போருக்குத் தேவையானதைச் செய்யவும் இந்த நிதி பயன்படுத்தப்படும்.
சீன பியானோ கலைஞரும் இணைந்தார்
பிரபல பாடகர்கள் அயிட்டானா, அலெஜான்ட்ரோ சான்ஸ், பெரெட், லூயிஸ் பான்சி, நடிகை டேனா பாவோலா, இசை பேன்ட் நடத்தி வரும் மோராத் அன்ட் டாபுரேட், சீனாவைச் சேர்ந்த பியானோ கலைஞர் லாங் லாங் ஆகியோரும் இந்த நிதியுதவி அளித்தோரில் இடம் பெறுவர். இதுகுறித்து பிக் கூறுகையில், இது மிகவும் நெருக்கடியான கட்டம். அனைவரும் கஷ்டப்படுவோருக்குக் கை கொடுப்போம். இது மகிழ்ச்சி தருகிறது என்றார்.
வீட்டிலிருந்தபடியே கச்சேரி
இதில் விசேஷம் என்னவென்றால் இதில் கலந்து கொண்டுள்ள இசையமைப்பாளர்கள் மற்றும் கலைஞர்கள் தங்களது வீடுகளிலிருந்தபடி கச்சேரி நடத்தினர். 4 மணி நேரம் இந்த கச்சேரி நடந்தது. மொத்தம் 180 நாடுகளில் இது ஆன்லைன் மூலமாக லைவ் செய்யப்பட்டது. யூடியூப் மற்றும் பேஸ்புக் மூலமாக இதை லைவ் செய்துள்ளனர். உலகத்தில் இதுபோல ஒரு நிதி சேகரிப்பு கச்சேரி இதுவரை நடந்துள்ளதா என்று தெரியவில்லை.
ஸ்பெயினில் மிகப் பெரிய பாதிப்பு
இந்த நிகழ்ச்சியில் 20 முதல் நிலை டிவிஷன் கிளப்களைச் சேர்ந்த கால்பந்து வீரர்கள் கலந்து கொண்டனர். அதேபோல ஸ்பெயன் நீச்சல் வீரர் மிரியா பெல்மான்டி போன்றோரும் கலந்து கொண்டனர். ஸ்பெயின் நாடு தற்போது கொரோனாவைரஸிடம் சிக்கி பெரும் சீரழிவை சந்தித்து வருகிறது. இதுவரை 6000 பேர் வரை அங்கு உயிரிழந்துள்ளனர். 72,000க்கும் மேற்பட்டோர் பாதிக்கப்பட்டுள்ளனர். இத்தாலிக்கு அடுத்து ஸ்பெயின்தான் அதிகம் பேரை பலி கொடுத்துள்ளது.
