பி.வி.சிந்துவை விட பலம் வாய்ந்த ஸ்பெயினின் கரோலின் மரீன்

8வது மோதல்

இன்றைய இறுதிப் போட்டி இருவருக்கும் எட்டாவது மோதலாக அமைந்தது. இதற்கு முன்பு மோதிய 7 போட்டிகளில் 4-3 என்ற வெற்றிக் கணக்கில் மரின் முன்னணியில் இருக்கிறார்.

மரினுக்கு 4.. சிந்துவுக்கு 3

கடந்த 7 போட்டிகளில் மரின் 4 போட்டிகளில் வெற்றி பெற்றுள்ளார். சிந்து 3 போட்டிகளில் வெற்றி பெற்றுள்ளார். அந்த வகையில் சிந்துவை விட ஒரு போட்டியில் அதிகமாக வெற்றி பெற்றுள்ளார் மரின்.

மரின் வென்ற போட்டிகள்

உலகின் நம்பர் ஒன் வீராங்கனையான மரின் 2015ல் நடந்த ஹாங்காங் ஓபன், சையத் மோடி சர்வதேச சாம்பியன்ஷிப், 2014ல் நடந்த பிடபிள்யூஎவ் உலக சாம்பியன்ஷிப், ஆஸ்திரேலிய ஓபன் ஆகிய போட்டிகளில் சிந்துவை வீழ்த்தியுள்ளார்.

சிந்து வென்ற போட்டிகள்

பி.வி.சிந்து, 2010ல் நடந்த உலக ஜூனியர் சாம்பியன்ஷிப், 2011ல் மாலத்தீவு சர்வதேச சாலஞ்ச் போட்டி, 2015ல் நடந்த டென்மார்க் ஓபன் ஆகிய போட்டிகளில் மரினை வீழ்த்தியுள்ளார்.