சாய்னா தோல்வி: இந்திய 'பாட்மின்டன்' கனவு தகர்ந்தது

பெய்ஜிங்: ஒலிம்பிக் பாட்மின்டன் போட்டியில் இந்தியாவின் சாய்னா நெஹ்வால் காலிறுதிப் போட்டியில் தோற்றார். இதனால் பாட்மின்டனில் பதக்கம் பெறும் இந்தியாவின் கனவு தகர்ந்தது.

தகுதிச் சுற்றில் சிறப்பாக விளையாடி காலிறுதிப் போட்டிக்கு முன்னேறிய சாய்னா, இந்தோனேஷியாவின் மரியா கிரிஸ்டின் யுலியான்டியிடம் தோற்றார். இதனால் மரியா அரையிறுதிப் போட்டிக்கு முன்னேறினார்.

சாய்னாவை 28-26, 14-21, 15-21 என்ற புள்ளிகள் கணக்கில் மரியா தோற்கடித்தார்.