சீமாவுக்கு இரண்டாவது முறை
கடந்தாண்டு நடந்த ஆசிய மகளிர் குத்துச்சண்டைப் போட்டியிலும் இதே நிலையில் சீமா இருந்தார். அதில் வெண்கலம் வென்றார்.
மேரி கோமுக்கும் பதக்கம்
மகளிர் 48 கிலோ எடைப் பிரிவில் சீனியரான மேரி கோம், ஒரு வெற்றி பெற்றால், அவருக்கும் பதக்கம் உறுதி. ஆசிய சாம்பியன்ஷிப்பில் தங்கம் மற்றும் கடந்த மாதம் நடந்த இந்திய ஓபனில் தங்கம் வென்ற மேரி கோம் முழு பார்மில் உள்ளார்.
ரிப்பீட்டு ஆகுமா
அவர் முதல் சுற்றில் ருமேனியாவின் ஸ்டலுடா டுடாவை சந்திக்கிறார். உலக சாம்பியன்ஷிப் போட்டிகளில் மூன்று முறை வெள்ளி, ஐரோப்பிய சாம்பியன்ஷிப் போட்டிகளில் நான்கு முறை தங்கம் வென்றவர் டுடா.
உலக சாம்பியன்ஷிப்பில், 2006, 2008 மற்றும் 2010ல் அவர் வெள்ளி வென்றபோது, தங்கம் வென்றவர் மேரி கோம்.
சாதிப்பரா ஆண்கள்
ஆடவர் பிரிவில் உலக சாம்பியன்ஷிப்பில் வெண்கலம், ஆசிய சாம்பியன்ஷிப்பில் வெள்ளி வென்ற சிவ தாப்பா, 60 கிலோ எடைப் பிரிவில் காலிறுதிக்கு முந்தைய சுற்றில், கஜகஸ்தானின் குர்மதோவை சந்திக்கிறார். ஆசியப் போட்டியில் வெண்கலம் வென்ற சதீஷ் குமார், 91 கிலோ எடைப் பிரிவில் நேரடியாக கால் இறுதியில் விளையாடுகிறார்.
நேற்று இரவு நடந்த மகளிர் 60 கிலோ எடைப் பிரிவு ஆட்டத்தில் இந்தியவின் சரிதா தேவி, 3-2 என்ற கணக்கில் இத்தாலியின் கான்செகாவை வென்று கால் இறுதிக்கு முன்னேறினார்.