2021ஆம் ஆண்டின் டாப் 5 இந்திய பேட்ஸ்மேன்கள் இவர்கள் தான்..!! முதலிடம் யாருக்கு?

ரிஷப் பண்ட்

சிறந்த இந்திய பேட்ஸ்மேன்கள் பட்டியலில் 5வது இடத்தை பிடித்துள்ளார் அதிரடி வீரர் ரிஷப் பண்ட். டெல்லி அணியின் கேப்டனாக ஐ.பி.எல். தொடரில் களமிறங்கிய அவர் சிறப்பாக செயல்பட்டார். டெஸ்ட் போட்டியில் அவரது ஃபார்ம் சற்று குறைந்தாலும், பல முக்கிய வெற்றிகளை அவர் பெற்று தந்துள்ளார்.

சூரியகுமார் யாதவ்

இந்த பட்டியலில் சூரியகுமார் யாதவ் 4வது இடத்தை பிடித்துள்ளார். 2021ஆம் ஆண்டு அவருக்கு சிறந்த ஆண்டாகவே அமைந்தது. ஏன் என்றால் இந்திய கிரிக்கெட் அணியில் 2021ஆம் ஆண்டில் தான் அவர் இடம்பிடித்தார். ஐ.பி.எல். தொடரின் இரண்டாவது பாதியில் சற்று தடுமாறினாலும், ஓயிட் பால் கிரிக்கெட்டில் தனது இடத்தை சூரியா தக்கவைத்து கொண்டார் என்றே சொல்லலாம்.

விராட் கோலி

இந்த பட்டியலில் இந்திய டெஸ்ட் அணி கேப்டன் விராட் கோலி 3வது இடத்தை பிடித்துள்ளார். விராட் கோலிக்கு ஏன் இவ்வளவு கம்மியான இடம் என்று நீங்கள் நினைத்தால், அவர் 2021ஆம் ஆண்டில் இதுவரை சதம் அடிக்கவில்லை. அப்போது ஏன் மூன்றாவது இடம் என கேட்டால், 2021ஆம் ஆண்டில் 10 சர்வதேச டி20 போட்டியில் விளையாடி 299 ரன்கள் குவித்துள்ளார். சராசரியாக 74 ரன்கள்.மேலும் பெங்களூரு அணியையும் பிளே ஆப் வரை கொண்டு சேர்த்தார்

கே.எல்.ராகுல்

2021ஆம் ஆண்டு கே.எல்.ராகுலுக்கு சிறப்பான ஆண்டாகவே அமைந்தது. இந்திய அணியின் துணை கேப்டன் பதவி, டெஸ்ட் போட்டியில் தொடக்க வீரராக சிறப்பான ஆட்டம், டி20 உலகக் கோப்பை தொடரில் அதிக ரன்கள் விளாசிய இந்திய வீரர் என்ற பெருமை என ராகுல் கலக்கினார். இதனால் அவருக்கு 2வது இடம்

Recommended Video

BCCI Virat Kohli controversy : Captain Selection இப்படி தான் நடக்கும்- Kirti Azad | Oneindia Tamil

ரோகித் சர்மா

2021ஆம் ஆண்டின் சிறந்த இந்திய பேட்ஸ்மேன் என்ற பெருமையை பெறுகிறார் ரோகித் சர்மா. தொடக்க வீரராக இங்கிலாந்து மண்ணில் சதம் , 2021ஆம் ஆண்டில் டெஸ்ட் போட்டியில் அதிக ரன்கள் எடுத்த இந்திய வீரர், ஒருநாள், டி20 அணியின் புதிய கேப்டன் என்ற பல உச்சத்தை தொட்டதால் அவருக்கு முதலிடம்.