2025ஆம் ஆண்டு டெஸ்ட் கிரிக்கெட்டில் அதிக விக்கெட்டுகள் எடுத்த டாப் 5 இந்திய பவுலர்கள்

மும்பை: 2025 இந்திய டெஸ்ட் அணிக்கு ஏமாற்றமான ஆண்டானது. அவர்கள் மொத்தம் பத்து டெஸ்ட் போட்டிகளில் விளையாடி, நான்கில் வெற்றி பெற்று, ஐந்தில் தோல்வியடைந்தனர். ஒரு போட்டி டிராவில் முடிந்தது. இதன் மூலம் இந்தியா 40% வெற்றி விகிதத்துடன் 2025ஆம் ஆண்டை டெஸ்ட் கிரிக்கெட்டில் நிறைவு செய்தது.

ஆஸ்திரேலியாவுக்கு எதிரான தொடரை சிட்னியில் ஆறு விக்கெட் வித்தியாசத்தில் இழந்ததில் இருந்து இந்தியா 2025ஐ தொடங்கியது. பின்னர், இங்கிலாந்தில் பலம் வாய்ந்த அணிக்கு எதிராக 2-2 என்ற கணக்கில் தொடரை சமன் செய்தது. முதல் டெஸ்டில் லீட்ஸில் ஐந்த விக்கெட் தோல்வியடைந்தபோதிலும், பர்மிங்காமில் 336 ரன்கள் வித்தியாசத்தில் வெற்றி பெற்று பதிலடி கொடுத்தது.

லார்ட்ஸில் சொற்ப ரன்களில் இழந்தாலும், மான்செஸ்டரில் ஒரு டெஸ்டை டிரா செய்து, ஓவல் டெஸ்டில் ஆறு ரன்கள் வித்தியாசத்தில் வாகை சூடியது. மேற்கிந்தியத் தீவுகளுக்கு எதிரான உள்நாட்டுத் தொடரில் 2-0 என எளிதாக வென்றது. ஆனால், தென் ஆப்பிரிக்காவுக்கு எதிராக 2-0 என உள்நாட்டில் தோல்வியடைந்து ஒட்டுமொத்தப் பயணத்தைப் பாதித்தது.

ஒட்டுமொத்தமாக இந்திய அணிக்கு டெஸ்ட் போட்டிகளில் ஆண்டானது சராசரியாக இருந்த போதிலும், சில சிறப்பான பந்துவீச்சுப் பங்களிப்புகள் கவனத்தைப் பெற்றன. 2025ஆம் ஆண்டில் அதிக டெஸ்ட் விக்கெட்டுகளை வீழ்த்திய முதல் 5 இந்திய பந்துவீச்சாளர்களை தற்போது காணலாம்.

5 பிரசித் கிருஷ்ணா (20 விக்கெட்டுகள்)

2025இல் நான்கு டெஸ்ட்போட்டிகளில் இந்திய வேகப்பந்து வீச்சாளர் பிரசித் கிருஷ்ணா விளையாடி, 31.30 சராசரியில் 20 விக்கெட்டுகளைக் கைப்பற்றினார். அவரது எக்கனாமி விகிதம் 4.74 ஆக இருந்தது. இதனால் அவர் குறைவான போட்டிகளிலேயே விளையாடினார். ஓவலில் இந்தியா பெற்ற முக்கியமான வெற்றியில் பிரசித் எட்டு விக்கெட்டுகள் வீழ்த்தினார். முதல் இன்னிங்சில் 4/62 மற்றும் இரண்டாவது இன்னிங்சில் 4/126 என அவரது பந்துவீச்சு பதிவானது.

சிட்னியில் ஆஸ்திரேலியாவுக்கு எதிராக (3/42, 3/65) ஆறு விக்கெட்டுகளையும், லீட்ஸ் டெஸ்டில் (3/128, 2/92) ஐந்து விக்கெட்டுகளையும் அவர் வீழ்த்தினார். இந்த அவரது பங்களிப்புகள் தனிப்பட்ட முறையில் முக்கியமானவையாகப் பார்க்கப்படுகின்றன.

4 குல்தீப் யாதவ் (20 விக்கெட்டுகள்)

பிரசித்தைப் போலவே, சுழற்பந்து வீச்சாளர் குல்தீப் யாதவும் 2025இல் நான்கு டெஸ்ட் போட்டிகளில் களம் கண்டார். இவரும் 20 விக்கெட்டுகளை வீழ்த்தினார். ஆனால், அவரது சராசரி 23.15 ஆக மிகச் சிறப்பாக இருந்தது, மேலும் அவர் ஒரே ஒரு ஐந்து விக்கெட் ஹாலையும் பெற்றிருந்தார். டெல்லியில் மேற்கிந்தியத் தீவுகளுக்கு எதிராக எட்டு விக்கெட்டுகளைக் கைப்பற்றியதற்காக குல்தீப் ஆட்ட நாயகன் விருதை வென்றார்.

அந்தப் போட்டியில் (5/82, 3/104) என பந்துவீசி இந்தியா ஏழு விக்கெட் வித்தியாசத்தில் வெற்றிபெற உதவினார். தென் ஆப்பிரிக்காவுக்கு எதிரான இரண்டு டெஸ்ட் போட்டிகள் கொண்ட தொடரில் குல்தீப் எட்டு விக்கெட்டுகளை (28.62 சராசரி, ஒரு நான்கு விக்கெட் ஹால்) வீழ்த்தி அசத்தினார்.

3 ரவீந்திர ஜடேஜா (25 விக்கெட்டுகள்)

2025ஆம் ஆண்டு டெஸ்ட் கிரிக்கெட்டில் ஜடேஜா பேட்டிங்கில் சிறந்து விளங்கினாலும், பந்துவீச்சில் கலவையான ஆட்டத்தையே வெளிப்படுத்தினார். பத்து டெஸ்ட் போட்டிகளில், 38.20 சராசரியில் 25 விக்கெட்டுகளைக் கைப்பற்றினார். 2025இல் ஜடேஜா நான்கு முறை நான்கு விக்கெட் ஹால்களைப் பதிவு செய்தார். அவரது சிறந்த பந்துவீச்சு 4/50, தென் ஆப்பிரிக்காவுக்கு எதிராக ஈடன் கார்டனில் வந்தது.அவர் குவாஹாத்தியில் 4/62, அகமதாபாத்தில் மேற்கிந்தியத் தீவுகளுக்கு எதிராக 4/54, மற்றும் மான்செஸ்டர் டெஸ்டில் இங்கிலாந்துக்கு எதிராக 4/143 என விக்கெட்டுகளை வீழ்த்தி அசத்தினார்.

2 ஜஸ்பிரித் பும்ரா (31 விக்கெட்டுகள்)

இந்திய பந்துவீச்சாளர்களில் 2025ஆம் ஆண்டில் அதிக டெஸ்ட் விக்கெட்டுகளை வீழ்த்தியோர் பட்டியலில், முன்னணி வேகப்பந்து வீச்சாளர் ஜஸ்பிரித் பும்ரா இரண்டாவது இடத்தில் உள்ளார். எட்டு டெஸ்ட் போட்டிகளில், அவர் 22.16 என்ற சராசரியில் 31 விக்கெட்டுகளை வீழ்த்தினார், மூன்று முறை ஐந்து விக்கெட் ஹால்களையும் பெற்றிருந்தார். அவரது பந்துவீச்சு இந்திய அணிக்கு பெரும் பலமாகக் கருதப்பட்டது.

லீட்ஸில் இங்கிலாந்துக்கு எதிராக 5/83 என பும்ரா விக்கெட்டுகளைக் கைப்பற்றினாலும், இந்தியா ஐந்து விக்கெட் வித்தியாசத்தில் தோல்வியடைந்தது. லார்ட்ஸில் அவர் 5/74 என மீண்டும் ஐந்து விக்கெட்டுகளை வீழ்த்தினார், ஆனால் போட்டியின் முடிவில் 22 ரன்கள் வித்தியாசத்தில் தோல்வியே கிட்டியது. கொல்கத்தாவில் உள்ள ஈடன் கார்டனில் தென் ஆப்பிரிக்காவுக்கு எதிராக அவர் 5/27 என சிறப்பாகப் பந்து வீசினார். எனினும், அந்த போட்டியிலும் இந்தியா 30 ரன்கள் வித்தியாசத்தில் தோற்றது. அவரது சிறந்த பந்துவீச்சுப் பங்களிப்புகள் பலவும் அணியின் தோல்வியிலேயே முடிந்தது.

1 முகமது சிராஜ் (43 விக்கெட்டுகள்)

பும்ராவின் வேகப்பந்து வீச்சு ஜோடியான முகமது சிராஜ், 2025ஆம் ஆண்டு டெஸ்ட் கிரிக்கெட்டில் இந்தியாவின் அதிக விக்கெட் வீழ்த்திய பந்துவீச்சாளராகத் திகழ்கிறார். அவர் இந்தியா விளையாடிய பத்து போட்டிகள் அனைத்திலும் பங்கேற்று, 27.20 சராசரியில் 43 விக்கெட்டுகளை வீழ்த்தி, இரண்டு முறை ஐந்து விக்கெட் ஹால்களைப் பதிவு செய்தார். சிராஜின் பந்துவீச்சு, இந்திய அணியின் வெற்றிகளில் முக்கியப் பங்கு வகித்தது.

பர்மிங்காமில் இங்கிலாந்துக்கு எதிராக சிராஜ் 6/70 என அதிரடியாகப் பந்துவீச, இந்தியா 336 ரன்கள் வித்தியாசத்தில் அபார வெற்றி பெற்றது. ஓவலில் இந்திய அணி ஆறு ரன்கள் வித்தியாசத்தில் மறக்க முடியாத வெற்றியைப் பதிவு செய்தபோது, சிராஜ் 4/86 மற்றும் 5/104 என விக்கெட்டுகளைக் கைப்பற்றி அசத்தினார். ஐந்து போட்டிகள் கொண்ட தொடரை 2-2 என சமன் செய்ததால் சிராஜ் ஆட்ட நாயகன் விருதையும் வென்றார். அகமதாபாத்தில் மேற்கிந்தியத் தீவுகளுக்கு எதிராக அவர் 4/40 மற்றும் 3/31 என சிறப்பாகப் பந்துவீசி அனைவரையும் கவர்ந்தார்.