கோடி கணக்கில் ஏலம் போக உள்ள தமிழக வீரர்..!! சொற்ப ரன்களில் கர்நாடகாவை சுருட்டினார்..!!

தொடக்கம்

தொடக்க வீரராக களமிறங்கிய ரவிகுமார் டக் அவுட்டாகி வெளியேற, ஒன் டவுனில் இறங்கிய கிருஷ்ணமூர்த்தி 6 ரன்கள் மட்டுமே எடுத்தார். இதனையடுத்து ஜோடி சேர்ந்த கேப்டன் மனிஷ் பாண்டே, ரோகன் பொறுப்பான ஆட்டத்தை வெளிப்படுத்தி ரன்களை சேர்த்தனர்

ஆட்டமிழப்பு

மணிஷ் பாண்டே 40 ரன்களிலும், ரோஹன் 37 ரன்களிலும் அடுத்தடுத்து வெளியேற, கர்நாடக அணி 105 ரன்களில் 5 விக்கெட்டுகளை இழந்து தடுமாறியது. இதன் பின்னர் களமிறங்கிய வீரர்கள் ஒற்றை இலக்கம் ரன்களில் வந்த வேகத்தில் வெளியேறினர். இதனால் அடுத்த 17 ரன்களில் சேர்ப்பதற்குள் எஞ்சிய 5 விக்கெட்டுகளையும் கர்நாடக இழக்க, 122 ரன்களில் சுருண்டது.

இளம்வீரர் அசத்தல்

23 வயதான தமிழக வீரர் மணிமாறன் சித்தார்த் 4 விக்கெட்டுகளை கைப்பற்றினார். இடது கை சுழற்பந்துவீச்சாளரான அவர் 4 போட்டிகளில் 10 விக்கெட் எடுத்து அசத்தியுள்ளார். மும்பைக்கு எதிரான நேற்றைய ஆட்டத்தில் 3 விக்கெட்டுகளை கைப்பற்றினார். இதனால் வரும் ஏலத்தில் கோடி ரூபாய்க்கு மேல் விலை போவார் என எதிர்பார்க்கப்படுகிறது. ஐ.பி.எல். தொடரில் இவரை ஏற்கனவே கொல்கத்தா, டெல்லி அணிகள் வாங்கியும் பயன்படுத்தவில்லை. இதனால் இவரை மீண்டும் கைப்பற்ற இவ்விரு அணிகளும் போட்டி போடும்.

தமிழ்நாடு வெற்றி

இந்த இலக்கை தமிழக அணி 28 ஓவரில் 2 விக்கெட்டுகளை மட்டுமே இழந்து எட்டியது. அதிகபட்சமாக பாபா இந்தரஜித் 51 ரன்கள் அடித்தார். நேற்றைய ஆட்டத்தில் மும்பை அணியை தமிழக அணி வீழ்த்தியதன் முலம் தற்போது 2வது வெற்றியை பதிவு செய்துள்ளது. சையது முஸ்தாக் அலி கோப்பையை வென்ற தமிழ்நாடு அணி, விஜய் ஹசார கோப்பையை வெல்லும் உத்வேகத்துடன் களமிறங்கி உள்ளது.