"போர்டை"ப் பார்த்துட்டு பொளந்து கட்டுங்க பாய்ஸ்...!

சாதனை நாயகன் டிராவிட்

ராகுல் டிராவிட் இந்திய அணியின் பெருஞ்சுவர் என போற்றப்பட்டவர். 1996ம் ஆண்டு முதல் 2013 வரை கிரிக்கெட்டில் புயலைக் கிளப்பியவர். சர்வதேச போட்டிகளில் மொதாதமாக 23,000 ரன்களைக் குவித்துள்ளார். மேலும் 48 சதங்களையும் அவர் குவித்துள்ளார். 164 டெஸ்ட் போட்டிகள், 344 ஒரு நாள் போட்டிகள், ஒரு டுவென்டி 20 போட்டி என சாதித்துள்ளார்.

ஊக்க சக்தி

பல இந்திய வீரர்களுக்கு ஊக்க சக்தியாக திகழ்வது டிராவிட்தான். பல இளம் வீரர்களுக்கு அவர் சிறந்த ரோல் மாடலாக திகழ்கிறார். இந்த நிலையில் முதல் ஒரு நாள் போட்டியில் தோல்வியடைந்துள்ள இந்திய அணி வீரர்களுக்கு டிராவிட் டிரஸ்ஸிங் ரூம் நிச்சயம் உத்வேகம் தரும் என்று நம்பலாம்.

பெருமைப்படுத்திய பிசிசிஐ

ராகுல் டிராவிட் டிரஸ்ஸிங் ரூம் குறித்த புகைப்படத்தை இந்திய கிரிக்கெட் வாரியம் தனது டிவிட்டர் பக்கத்தில் போட்டுள்ளது. தற்போது இந்தியா ஏ அணியின் பயிற்சியாளராக டிராவிட் இருக்கிறார் என்பது குறிப்பிடத்தக்கது.

சொந்த ஊர்

ராகுல் டிராவிட் கர்நாடகத்தில் வசிப்பவராக இருந்தாலும் கூட அவர் பிறந்தது இதே இந்தூரில்தான் என்பது குறிப்பிடத்தக்கது.