இது தான் கடைசி டி20 உலககோப்பை - 4 இந்திய அணி வீரர்களுக்கு வாய்ப்பு கிடைக்காது..பிசிசிஐ அதிரடி முடிவு

புவனேஸ்வர் குமார்

இந்திய அணியின் ஸ்விங் பவுலரான புவனேஸ்வர் குமார், டி20 கிரக்கெட் பவர்பிளேவில் அதிக விக்கெட் வீழ்த்திய இந்திய வீரர் என்ற பெருமையை பெற்றவர். ஆனால், புவனேஸ்வர் குமாரின் பந்துவீச்சு ஸ்விங் பவுலிங்கிற்கு ஏற்ற மைதானத்தில் மட்டும் தான் செயல்படுகிறது. அடுத்த டி20 உலககோப்பை வெஸ்ட் இண்டீசில் 2024ஆம் ஆண்டு நடைபெறுகிறது. இதற்கு புவனேஸ்வர் குமார் பந்துவீச்சு சரிப்பட்டு வராது.

முகமது ஷமி

32 வயதான முகமது ஷமியை ஏற்கனவே இந்த டி20 உலககோப்பையில் பிசிசிஐ சேர்க்கவில்லை. ஆனால் பும்ராவுக்கு காயம் ஏற்பட்டதால் மட்டுமே அணிக்குள் ஷமி வந்தார். புதுமுக பந்துவீச்சாளர்கள் நிறைய பேர் அணிக்குள் வர இருப்பதால், இனி அவருக்கு டி20 உலககோப்பை மற்றும் டி20 அணியில் இடம் கிடைப்பது கஷ்டம் தான்.

தினேஷ் கார்த்திக்

37 வயதான தினேஷ் கார்த்திக், தற்போது டி20 அணியில் உள்ள வயதான வீரராக இருக்கிறார். ஏற்கனவே அரையிறுதி போன்ற முக்கிய ஆட்டத்தில் தினேஷ் கார்த்திக்கை இந்திய அணி சேர்க்கவில்லை. இதனால் அடுத்த டி20 உலககோப்பை வரும் போது இவருக்கு வயது 39 ஆகிவிடும். இதனால், இதுவே இவருக்கு கடைசி டி20 உலககோப்பையாக இருக்கும்.

அஸ்வின்

36 வயதான சுழற்பந்துவீச்சாளர் அஸ்வின், டி20 உலககோப்பையில் அதிக விக்கெட்டுகளை வீழ்த்திய இந்திய வீரர் என்ற பெருமையை பெற்றுள்ளார். வயது மூப்பு மற்றும் போதிய தாக்கத்தை ஆட்டத்தில் ஏற்படுத்தாத காரணத்தால் இந்திய டி20 அணியில் இனி வாய்ப்பு கிடைப்பது கடினம்.