காவி உடையில் இந்திய கிரிக்கெட் அணி… தந்தை பெரியார் வாழ்க… எட்ஜ்பாஸ்டனில் ஒலித்த தமிழனின் குரல்

விமர்சனங்கள்

அந்த உடை மீது பல விமர்சனங்கள் எழுந்தன. மத்திய அரசின் நெருக்கடியால் இந்திய கிரிக்கெட் அணிக்கு காவி உடை பூசப்படுவதாக சர்ச்சைகள் எழுந்தன. டுவிட்டரிலும் வார்த்தை போர் வெடித்தது. காவி ஜெர்சி நன்றாக இருந்தாலும், பிடித்தது என்னவோ நீல நிற ஜெர்சி என்று கேப்டன் கோலியும் கூறியிருந்தார்.

அசத்திய ரசிகர்

போட்டியின் போது ரசிகர் ஒருவர் செயல்கள் அரங்கத்தையே மெய்சிலிர்க்க வைத்ததோடு, அனைவரையும் உற்றுநோக்க வைத்தது. அந்த ரசிகரின் பெயர் நஜிமுதீன் ஜஹபர் சாதிக் என்பதாகும். புதுக்கோட்டையைச் சேர்ந்தவர்.

தந்தை பெரியார் வாழ்க

அவர் மைதானத்தில் தமிழ் வாழ்க, தந்தை பெரியார் வாழ்க என்ற வாசகங்கள் அடங்கிய பதாகையை ஏந்தி நின்றார்.நஜிமுதீன் முழக்கத்திற்கு மற்ற தமிழ் ரசிகர்களும் கைத தட்டி குரல் எழுப்பினர்.

வைரலான வீடியோ

மைதானத்தில் எடுத்த புகைப்படத்தையும், வீடியோவையும் அவர் தமது பேஸ்புக்கில் பதிவு செய்துள்ளார். இங்கிலாந்து மைதானத்தில் தந்தை பெரியார் வாழ்க என்ற முழக்கமிட்ட வீடியோ இணையத்தில் ஏகத்துக்கும் ஹிட்டடித்து இருக்கிறது.