அபிஷேக், வைபவ் சூர்யவன்ஷி இந்தியாவில் சிங்கமாகவும், வெளிநாட்டில் பூனையாகவும் இருக்க கூடாது- சந்தீப்

மும்பை: இந்திய கிரிக்கெட் அணியின் சந்தீப் பாட்டீல், இளம் வீரர்களான அபிஷேக் சர்மா மற்றும் வைபவ் சூர்யவன்ஷி ஆகியோரின் ஆட்டம் குறித்து சில விமர்சனங்களையும் ஆலோசனைகளையும் வழங்கியுள்ளார். ஆப்கானிஸ்தானுக்கு எதிரான டி20 தொடரை இந்திய அணி 3-0 என்ற கணக்கில் கைப்பற்றியதைத் தொடர்ந்து அவரது இந்த கருத்துக்கள் வெளிவந்துள்ளன.

இந்தத் தொடரில் அபிஷேக் சர்மா ஒரு சதம் மற்றும் ஒரு அரைசதம் உட்பட 3 இன்னிங்ஸ்களில் 229 ரன்கள் குவித்து தொடர் நாயகன் விருதை வென்றார். அதே நேரத்தில், சூர்யவன்ஷிக்கு பிளேயிங் லெவனில் வாய்ப்பு கிடைக்கவில்லை.

இது குறித்து பேசிய சந்தீப் பாட்டீல், "அவர்களது பேட்டிங் குறித்து நான் ஒரு விஷயத்தைக் கூற விரும்புகிறேன். அபிஷேக் சர்மா மற்றும் வைபவ் சூர்யவன்ஷி ஆகியோருக்கு உரிய மரியாதை அளித்து சொல்கிறேன், அவர்கள் இந்தியாவுக்கு வெளியே பயணம் செய்து விளையாடிய போது, பந்து சற்று நகரத் தொடங்கியதும் சில சிரமங்களை எதிர்கொண்டதை நாம் பார்த்தோம்."

வைபவ் சூர்யவன்ஷியிடம் சிக்சர் அடிக்கும் திறமையை திருட நினைக்கிறேன்.. சூர்யகுமார் கலகல

"இந்த இரண்டு இளம் வீரர்களும் அந்தப் பகுதியில் கவனம் செலுத்தி உழைக்க வேண்டும். இந்தியாவில் சொந்த மண்ணில் சிங்கமாக இருந்துவிட்டு, வெளிநாடுகளுக்குச் செல்லும்போது பூனையாக மாறிவிடக் கூடாது" என்று அவர் கூறினார்.

ஆப்கானிஸ்தான் தொடருக்கு முன்னதாக, அயர்லாந்து, இங்கிலாந்து மற்றும் ஜிம்பாப்வே ஆகிய நாடுகளுக்கு எதிரான முந்தைய மூன்று தொடர்களில் அபிஷேக் சர்மா தடுமாற்றத்தைச் சந்தித்திருந்தார். அவர் 10 இன்னிங்ஸ்களில் ஒரு அரைசதம் உட்பட 19.1 சராசரியுடன் 191 ரன்கள் மட்டுமே எடுத்திருந்தார். இதற்கிடையில், சூர்யவன்ஷி இங்கிலாந்துக்கு எதிராக மூன்று இன்னிங்ஸ்களில் 42 ரன்கள் எடுத்தார். எனினும், பின்னர் ஜிம்பாப்வேக்கு எதிராக தனது ஆட்டத்தை மேம்படுத்தி, அதே 3 இன்னிங்ஸ்களில் 151 ரன்கள் குவித்தார்.

"அபிஷேக் சதம் அடித்ததும், இந்திய அணி ஆறு ஓவர்களில் 100 ரன்கள் எடுத்ததும் எனக்கு ஆச்சரியத்தை ஏற்படுத்தவில்லை. இது முதல் முறையா அல்லது கடைசி முறையா என்று எனக்குத் தெரியவில்லை, இது எப்போது மீண்டும் நடக்கும் என்றும் தெரியாது. ஆனால் அவர்களுக்கு நாம் பாராட்டு தெரிவிக்க வேண்டும். இன்றைய நவீன கிரிக்கெட்டில் இந்த இளம் வீரர்களுக்கு முழு சுதந்திரம் வழங்கப்பட்டுள்ளது, அதை அவர்கள் மிகச் சரியான முறையில் பயன்படுத்துகிறார்கள். அபிஷேக் அல்லது வைபவ் சூர்யவன்ஷி ஆகிய இருவரின் ஆட்டமுமே அசாத்தியமானது என்றுதான் நான் கூறுவேன்" என்றார்.

Also Read

IND vs WI: இந்திய அணிக்கு எதிரான டி20, ஒருநாள் தொடர்.. வெஸ்ட் இண்டீஸ் அணி அறிவிப்பு

"அவர்களிடம் மகத்தான வலிமை, தரம் மற்றும் திறமை உள்ளது. அந்தத் திறமைகளை அவர்கள் சரியான முறையில் பயன்படுத்தி வருகிறார்கள். அவர்கள் பயந்து விளையாடுவதில்லை. பாதி மனதுடன் விளையாடாதீர்கள் என்று நாங்கள் எப்போதும் கூறுவோம். அவர்கள் முழு அர்ப்பணிப்புடன் விளையாடுகிறார்கள் மற்றும் முதல் பந்திலிருந்தே தங்கள் ஷாட்களை அடிக்கிறார்கள். இதை நாம் பாராட்டியே ஆக வேண்டும்," என்று குறிப்பிட்டார். இந்திய அணி தனது அடுத்த போட்டியில் செப்டம்பர் 22, செவ்வாய்க்கிழமை அன்று ஜப்பானுக்கு எதிராக ஒரே ஒரு டி20 போட்டியில் மோதவுள்ளது.