2 போட்டிகளிலும் அட்டகாச வெற்றி
இதில் 2 டுவென்டி 20 போட்டிகளிலும் ஆப்கானிஸ்தான் அபாரமாக வென்றது. தொடரையும் கைப்பற்றியது. முதல் போட்டியில் ஆப்கானிஸ்தான் அணி 5 ரன்கள் வித்தியாசத்தில் ஆப்கானிஸ்தான் வென்றிருந்தது. 2வது போட்டியில் ருத்ரதாண்டவம் ஆடி விட்டார் ஷஷாத்.
118 ரன்கள்
2வது டுவென்டி 20 போட்டியில் ஷஷாத் அட்டகாசமாக ஆடி 118 ரன்களைக் குவித்தார். மொத்தம் 67 பந்துகளைச் சந்தித்த அவர் 10 பவுண்டரிகளுடன் இந்த சாதனையைச் செய்தார்.
4வது பெரிய ஸ்கோர்
டுவென்டி 20 போட்டி வரலாற்றில் இது நான்காவது பெரிய ஸ்கோர் என்பது குறிப்பிடத்தக்கது. இந்த வகை போட்டியில் சதம் போட்ட முதல் ஆப்கானிஸ்தான் வீரர் என்ற பெருமையும் ஷஷாத்திடமே உள்ளது.
டூபிளஸிஸுக்குப் பக்கத்தில்
இன்னும் 2 ரன்கள் கூடுதலாக எடுத்திருந்தால், தென் ஆப்பிரிக்க ஜாம்பவான் பாப் டூபிளஸிஸ் எடுத்த 119 ரன் சாதனையை முறியடித்து, ஷஷாத் டுவென்டி 20 கிரிக்கெட்டின் 3வது பெரிய ஸ்கோரை எடுத்திருக்க வாய்ப்பு கிடைத்திருக்கும்.
பின்ச், மெக்கல்லம் வரிசையில்
இந்த வரிசையில் முதலிடத்தில் இருப்பவர் 156 ரன்களைக் குவித்துள்ள ஆஸ்திரேலியாவின் ஆரோன் பின்ச் இருக்கிறார். 2வது இடத்தில் பிரன்டன் மெக்கல்லம் 123 ரன்களுடன் இருக்கிறார்.
டோணியின் ரசிகரும் கூட
டோணி மாதிரி விளையாடுபவர் மட்டுமல்ல, டோணிக்கே இவர் பெரிய ரசிகரும் கூட.. அப்பச் சரி!