நீங்க ரொம்ப நல்லவர்தான்.. நம்பிட்டேன்! போட்டியில் நடந்த அந்த சம்பவம்.. செம கடுப்பான வார்னர்!

முதல் போட்டி துவக்கம்

ஆஸ்திரேலியா மற்றும் நியூசிலாந்து அணிகள் மோதும் டெஸ்ட் போட்டி தொடர் ஆஸ்திரேலியாவின் பெர்த் நகரில் துவங்கி நடைபெற்று வருகிறது.

ஆஸ்திரேலியா பேட்டிங்

இந்த டெஸ்ட் போட்டியில் நியூசிலாந்திற்கு எதிராக அஸ்திரேலியா முதலில் தனது பேட்டிங்கை துவங்கியது. இந்த போட்டியில் டேவிட் வார்னர் மற்றும் ஜோ பர்ன்ஸ் விளையாடியபோது நியூசிலாந்து வீரர் டிம் சவுதியின் செயல் டேவிட் வார்னரை கடுப்பேற்றியது.

தேவையில்லாத த்ரோ வீசிய டிம் சவுதி

ஜோ பர்ன்ஸ் மற்றும் டேவிட் வார்னர் இருவரும் பேட்டிங் செய்துக் கொண்டிருந்தபோது, நியூசிலாந்து சார்பில் பந்துவீசிய டிம் சவுதி, தன்னுடைய கையில் பந்து வந்தவுடன், கிரீசை விட்டு வெளிவந்ததாக கூறி, ஸ்டம்பை நோக்கி மீண்டும் பந்தை த்ரோ செய்தார்.

டேவிட் வார்னர் காட்டம்

ஸ்டம்ப்பை நோக்கி, டிம் சவுதி வீசிய அந்த த்ரோ, ஜோ பர்ன்ஸ் கையை தாக்கியதால் இரண்டாவது பேட்ஸ்மேன் டேவிட் வார்னர் கோபமடைந்தார். அவர் உடனடியாக சவுதியின் இந்த செயல் குறித்து கேள்வி எழுப்பினார்.

"நீங்கள் ரொம்ப நல்லவர்தான்"

கிரீசை விட்டு ஜோ பர்ன்ஸ் வெளியில் இருந்ததாக கூறி, ஸ்டம்ப்பை நோக்கி தான் வீசிய த்ரோவை நியாயப்படுத்தினார் டிம் சவுதி. இதையடுத்து பர்ன்சின் கையில் அந்த பந்து தாக்கியதாக அவரிடம் கோபத்துடன் தெரிவித்த டேவிட் வார்னர், டிம் ரொம்ப நல்லவர்தான் என்று குறிப்பிட்டார்.

கட்டுக்குள் வந்த கோபம்

இதையடுத்து நியூசிலாந்து கேப்டன் கேன் வில்லியம்சன் மற்றும் அம்பயர் அலீம் தர் இருவரும், அவர்களை சமாதானப்படுத்தினர். இதனால் நிலைமை அத்துமீறாமல் சுமூகமாக சென்றது.