என்னாது இந்தியாவை இந்தியாவில் வீழ்த்துவதா.. ரொம்ப கஷ்டமாச்சேய்யா.. மார்னஸ் புலம்பல்

முதன்முதலில் களமிறங்கும் லாபுசாக்னே

டெஸ்ட் போட்டிகளில் தன்னுடைய திறமையை பறைசாற்றியுள்ள லாபுசாக்னே, தற்போது இந்தியாவிற்கு எதிரான ஒருநாள் போட்டித் தொடரில் முதல் முறையாக களமிறக்கப்பட்டுள்ளார்.

கற்றுக் கொள்வது அதிர்ஷ்டம்

சர்வதேச ஒரு நாள் போட்டிகளில் முதல்முதலில் களமிறங்கும் லாபுசாக்னே, அணியின் அனுபவம் வாய்ந்த மூத்த வீரர்கள் ஆரோன் பின்ச், டேவிட் வார்னர், ஸ்டீவ் ஸ்மித் போன்றவர்களிடம் இருந்து ஒருநாள் போட்டிகளை விளையாடுவது குறித்து கற்றுக் கொள்வேன் என்று கூறியுள்ளார்.

"விளையாட மிகவும் பிடிக்கும்"

டெஸ்ட் போட்டிகளில் தொடர்ந்து விளையாடியுள்ள லாபுசாக்னே, குறைந்த ஓவர் போட்டிகளில் விளையாடுவது தனக்கு மிகவும் பிடிக்கும் என்றும் முன்னதாக குயின்ஸ்லாண்ட்டிற்காக சில ஒருநாள் போட்டிகளில் விளையாடியுள்ளதாகவும் தெரிவித்தார்.

இந்தியா குறித்து லாபுசாக்னே

இந்தியாவிற்கு எதிரான ஒருநாள் போட்டித் தொடரில் முதன்முதலில் இடம்பெற்றுள்ள லாபுசாக்னே, இந்தியா மிகவும் வலிமையான எதிரணி என்று தெரிவித்துள்ளார்.

லாபுசாக்னே கருத்து

இந்தியாவின் பேட்ஸ்மேன்கள் மற்றும் பௌலர்கள் மிகவும் வலிமையாக உள்ளதாக குறிப்பிட்ட லாபுசாக்னே, இந்தியாவில் இந்தியாவை எதிர்கொள்வது மிகுந்த சவாலான விஷயம் என்றும், ஆனால் வலிமையான எதிரிகளை எதிர்கொள்வது சிறப்பானது என்றும் கூறியுள்ளார்.