தென் ஆப்பிரிக்க பந்து வீச்சாளர்களை அடித்து நொறுக்க விராட் கோஹ்லி வியூகம்!

வேகப்பந்து வீச்சாளர்கள்

இந்நிலையில் தென் ஆப்பிரிக்காவுடனான லீக் போட்டி வரும் ஞாயிற்றுக்கிழமை மெல்போர்னில் நடக்கிறது. தென் ஆப்பிரிக்காவிலும் பந்தை பவுன்ஸ் செய்ய கூடிய மோர்னே மோர்க்கல், டேல் ஸ்டெயின் போன்ற வேகப்பந்து வீச்சாளர்கள் உள்ளனர்.

கோஹ்லி வழி தனி வழி

இந்நிலையில், இந்திய அணியின் வியூகமோ வேறு மாதிரி உள்ளது. வலைப்பயிற்சியின்போது கோஹ்லி, ஸ்பின் பந்துகளை எதிர்கொள்வதிலேயே கவனம் செலுத்தி வருகிறார். கோஹ்லிக்கு அக்ஷர் பட்டேல், சுரேஷ் ரெய்னா மற்றும் பயிற்சிக்கான பந்து வீச்சாளர்கள் சுழல் பந்துகளை வீசினார்கள்.

ஒரு ஸ்பின்னர்

தென் ஆப்பிரிக்கா எப்போதுமே சுழற்பந்து வீச்சாளர்களை நம்பி களமிறங்கியது கிடையாது. அங்கு வேகப்பந்து வீச்சாளர்கள் ஆதிக்கமே அதிகம். இந்தியாவுடனான போட்டியில் லெக் ஸ்பின்னர் இம்ரான் தாகிர் அல்லது இடது கை ஸ்பின்னர் ஆரோன் பான்கிசோ ஆகிய இருவரில் ஒருவரை சுழற்பந்து வீச வைத்துக்கொள்ள தென் ஆப்பிரிக்கா திட்டமிட்டுள்ளதாக தெரிகிறது.

தூக்கியடிப்பதில் கோஹ்லி கவனம்

கோஹ்லி பெரும்பாலான பந்துகளில் கிரீசை விட்டு இறங்கி வந்து இன்-ஃபீல்டுக்கு மேலாக பந்தை தூக்கியடிப்பதில் கவனம் செலுத்தியதை பார்க்க முடிந்தது. அதே நேரம் ரஹானே, பந்தை தரையோடு அடிப்பதில் பயிற்சி எடுத்துக் கொண்டிருந்தார்.

கோஹ்லி தீவிர பயிற்சி

இந்திய கேப்டன் டோணி, தொடக்க வீரர் ரோகித் ஷர்மா போன்றோரும் பயிற்சி எடுத்தபோதிலும், கோஹ்லிதான் வலைப் பயிற்சியில் அதிக நேரம் ஈடுபட்டிருந்தார்.