போட்டி அதிகமா இருக்கிறது ரஹானே.. இப்படி ஆடினால் எப்படி?

நாக்பூர்: டெஸ்ட் போட்டியில், அஜிங்ய ரஹானேவின் மோசமான ஆட்டம் தொடர் கதையாகியுள்ளது.

இந்திய அணியின் முன்னணி பேட்ஸ்மேன்களில் ஒருவராக மதிக்கப்படுபவர் ரஹானே. ஒருநாள் போட்டிகளில் ஆல்ரவுண்டர்கள் ஆதிக்கம் செலுத்துவதால் இவருக்கான வாய்ப்பு கிடைப்பது அரிதாகிவிட்டது. குறைந்த ரன் ரேட்டில் ரன் சேகரிப்பதும் இதற்கு ஒரு காரணம்.

இதையடுத்து புராஜாவை போலவே, ரஹானேவுக்கு டெஸ்ட் போட்டிகளில் இடம் கிடைக்கிறது. ஆனால் டெஸ்ட் தொடர்களிலும் ரஹானே சமீபகாலங்களில் சராசரியாக ரன் சேகரிப்பதில்லை.

இலங்கைக்கு எதிரான நாக்பூர் டெஸ்டின் முதல் இன்னிங்சில் ரஹானே 2 ரன்களில் வெளியேறினார். 2017ல் டெஸ்ட் போட்டிகளில், ரஹானே எடுத்த ரன்கள் இவைதான்.

82, 28, 13, 18, 17, 52, 14, 46, 38*, 57, 23*, 132, 17, 4, 0, 2. இந்த வருடம் முடிய இன்னும் ஒரு மாதமே உள்ல நிலையில், இவ்வாண்டில் 1 செஞ்சுரி மட்டுமே அடித்துள்ளார் ரஹானே. 3 அரை சதங்கள்தான் கடந்துள்ளார். இதனால் ரஹானே இந்திய அணியில் தொடருவது கேள்விக்குறியாகியுள்ளது.