Click it and Unblock the Notifications
கோலி விளக்கம்
ரஹானே மீதான விமர்சனம் குறித்து பேசிய கோலி, எதையாவது தோண்டி எடுத்து இல்லாததையும் பொல்லாததையும் கூற வேண்டாம், ஏனெனில் உங்களுக்கு ஒன்றுமே கிடைக்காது. புஜாரா, ரஹானே அணியின் மிக முக்கியமான வீரர்கள் என்றும் தொடர்ந்து இந்திய டெஸ்ட் அணியில் இவர்களுக்கு முக்கியப் பங்கு இருந்தே தீரும் என்றும் தெரிவித்துள்ளார்.
க்ளாஸ் ப்ளேயர்
ராஹானேவின் ஆட்டம் குறித்து பேசிய சஞ்சய் மஞ்ச்ரேக்கர், கேப்டனாக இல்லாமல் ஒரு பேட்ஸ்மேனாக ரஹானேவை நான் பார்க்கும்போது, அவர் மெல்போர்ன் டெஸ்டில் சதம் அடித்த பிறகு 27 (நாட் அவுட்), 22, 4, 37, 24, 1 மற்றும் 0 ஆகிய ரன்களை எடுத்துள்ளார். சதம் அடித்த பிறகு க்ளாஸ் ப்ளேயர்கள் அந்த ஃபார்மிலேயே உள்ளார்கள், சிலர் அந்த பார்மில் இருப்பதில்லை என்று கூறியுள்ளார்.
ரஹானேவின் சொதப்பல்
சொந்த மண்ணில் ரஹானே சரிவர ஆடவில்லை என்பதையே புள்ளி விவரங்கள் காட்டுகின்றன. கடந்த 2017ம் ஆண்டு முதல் சொந்த மண்ணில் 25 இன்னிங்ஸ்களில் விளையாடியுள்ள ரஹானே 810 ரன்கள் மட்டுமே அடித்துள்ளார். இது தற்போது அணியில் சேர்க்கபடாமல் உள்ள விருத்திமான் சாஹா மற்றும் கே.எல்.ராகுலை விட குறைவாகும்.
நிலைநிறுத்திக்கொள்வாரா?
இங்கிலாந்து - இந்தியா மோதும் 2வது டெஸ்ட் போட்டியும் சென்னை சேப்பாக்கம் மைதானத்தில்தான் நடைபெறவுள்ளது. வரும் 13ம் தேதி தொடங்கும் இந்த போட்டியில் துணை கேப்டனாக பொறுப்பான ஆட்டத்தை வெளிப்படுத்த வேண்டிய சூழலுக்கு ரஹானே தள்ளப்பட்டுள்ளார். ரசிகர்களும் அவரின் அட்டத்தை காண எதிர்நோக்கியுள்ளனர்.
Continue with Google