யோ யோ டெஸ்ட்டில் பெயில்.. சிக்கலில் அம்பட்டி ராயுடு.. இந்திய அணியிலிருந்து தூக்கப்படுகிறார்!

கிங்ஸ் ஆட்டம்

இந்த வருடம் முதல் முறையாக சென்னை சூப்பர் கிங்ஸ் அணிக்காக ஆடிய ராயுடு 602 ரன்களை அதிரடியாக குவித்தார். ஒரு சதம், 3 அரை சதம் அடித்து ஐபிஎல் தொடரில் அதிக ரன்கள் குவித்த வீரர்கள் வரிசையில் 4வது இடத்தைப் பிடித்தார்.

யோ யோ தோல்வி

இந்த நிலையில் அவருக்கு பெங்களூரில் யோ யோ டெஸ்ட் நடத்தப்பட்டது. அதில் தேவையான 16.1 லெவலை தொட அவர் தவறி விட்டார். இதனால் அவர் முழு உடல் தகுதியுடன் இல்லை என்ற நிலை ஏற்பட்டுள்ளது.

கோஹ்லி - டோணி பாஸ்

அதேசமயம், இந்திய கேப்டன் விராத் கோஹ்லி, முன்னாள் கேப்டன் டோணி ஆகியோர் இந்த சோதனையில் பாஸ் ஆகியுள்ளனர். டெஸ்ட்டில் தோல்வி அடைந்து விட்டதால் இந்திய அணியிலிருந்து அம்பட்டி ராயுடு நீக்கப்படவுள்ளார். ஏற்கனவே இதே டெஸ்ட்டில் தோல்வி அடைந்ததால் ஆப்கானிஸ்தானுக்கு எதிரான டெஸ்ட் போட்டியில் ஆடுவதாக இருந்த முகம்மது சமி நீக்கப்பட்டது நினைவிருக்கலாம்.

ராயுடு மட்டுமே

இங்கிலாந்து செல்லத் தேர்வாகியுள்ள அனைத்து வீரர்களுமே பிட்னஸ் டெஸ்ட்டில் பாஸ் ஆகியுள்ளனர். ராயுடு மட்டுமே தோல்வி அடைந்துள்ளாராம். ஐபிஎல்லில் ஆடிய ஆட்டம் கடைசியில் வேஸ்ட்டாகி விட்டது ராயுடுவுக்கு.