ஆர்ஸ்தீப் சிங், சம்ரீன் கவுர் காதல்? இண்ஸ்டாவில் இருவரும் சேர்ந்து ரொமன்ஸ்

மும்பை: இந்திய கிரிக்கெட் அணியின் வேகப்பந்து வீச்சாளர் அர்ஷ்தீப் சிங், பஞ்சாபி நடிகையும் மாடலுமான சம்ரீன் கவுரின் சமீபத்திய இன்ஸ்டாகிராம் பதிவில் அழகான கமெண்ட் ஒன்றை பதிவிட்டுள்ளார். சம்ரீன் சமீபத்தில் சமூக வலைதளத்தில் தனது குறுகிய வீடியோ ஒன்றை பகிர்ந்துள்ளார். இடது கை வேகப்பந்து வீச்சாளரான அர்ஷ்தீப், கரடி மற்றும் சிவப்பு இதய எமோஜிகளைப் பயன்படுத்தி பதிவிட்ட கமெண்ட் ரசிகர்களின் கவனத்தை ஈர்த்துள்ளது.

இதற்கு பதிலளிக்கும் விதமாக, சம்ரீன் சிவப்பு இதயம் மற்றும் பூட்டு எமோஜிகளைப் பகிர்ந்துள்ளார்.அர்ஷ்தீப், சம்ரீனுக்காக ஒரு காதல் தலைப்பை எழுதிய சில நாட்களிலேயே இந்த உரையாடல் நிகழ்ந்துள்ளது. அதில் அவர், "எனது நபர்" என்று குறிப்பிட்டிருந்தார். இதன் மூலம் ,இருவருக்கும் விரைவில் திருமணம் நடக்கப்போவதாக செய்திகள் வெளியாகி உள்ளது.

இங்கிலாந்து மற்றும் இந்தியா இடையிலான 2026 ஒருநாள் தொடருக்குப் பிறகு, அர்ஷ்தீப் சிங் மற்றும் சம்ரீன் கவுர் இங்கிலாந்தில் விடுமுறையைக் கழித்தனர். இருவரும் தங்களது விடுமுறை நாட்களின் நினைவுகளை ரசிகர்களுடன் பகிர்ந்து கொள்ளும் வகையில் இன்ஸ்டாகிராம் பக்கத்தில் சில பதிவுகளைப் பகிர்ந்தனர்.

இந்த ஜோடி தங்களது இன்ஸ்டாகிராம் ஸ்டோரிகளில் ஒன்றில் ஒரே மாதிரியான பெண்டன்ட்களை அணிந்திருந்தனர். விடுமுறை பயணத்தை முடித்துக் கொண்டு இந்தியா திரும்பிய அர்ஷ்தீப் மற்றும் சம்ரீன் சமீபத்தில் விமான நிலையத்தில் கைகோர்த்து நடந்து சென்றபோது அனைவரது கவனத்தையும் ஈர்த்தனர். குறிப்பாக, இவர்கள் இருவரும் டேட்டிங் செய்வதாக பரவி வரும் வதந்திகள் இந்த ஆண்டின் தொடக்கத்தில் ஏப்ரல் மாதத்தில் சூடுபிடித்தன. 2026 ஐபிஎல் தொடரின் போது அர்ஷ்தீப் சிங் மற்றும் பஞ்சாப் கிங்ஸ் அணிக்கு ஆதரவளிப்பதற்காக சம்ரீன் பல போட்டிகளில் நேரில் வந்து பங்கேற்றார் என்பது குறிப்பிடத்தக்கது.

கிரிக்கெட் விளையாட்டைப் பொறுத்தவரை, ஜிம்பாப்வேக்கு எதிராக சமீபத்தில் நடந்து முடிந்த மூன்று போட்டிகள் கொண்ட டி20 தொடரில் அர்ஷ்தீப் சிங்கிற்கு ஓய்வு அளிக்கப்பட்டது. அவர் கடைசியாக கடந்த மாதம் இங்கிலாந்தில் நடந்த இந்திய அணியின் வெள்ளை பந்து கிரிக்கெட் தொடரில் விளையாடினார். இங்கிலாந்துக்கு எதிரான 4-0 என்ற கணக்கிலான டி20 தொடர் தோல்வியில், இந்திய அணியின் சார்பில் அதிக விக்கெட்டுகளை வீழ்த்தியவராக 27 வயதான அர்ஷ்தீப் திகழ்ந்ததோடு, நான்கு போட்டிகளில் நான்கு விக்கெட்டுகளைக் கைப்பற்றினார்.

எனினும், அவர் விளையாடிய ஒரே ஒரு ஒருநாள் போட்டியில் 72 ரன்களை விட்டுக்கொடுத்து விக்கெட் எதுவும் எடுக்காமல் ஏமாற்றம் அளித்தார். பஞ்சாப் கிரிக்கெட் சங்கத்தின் ஷெர்-இ-பஞ்சாப் டி20 லீக்கில் அர்ஷ்தீப் சிங் விளையாடுவார் என்று எதிர்பார்க்கப்படுகிறது. புதிதாக தொடங்கப்பட்டுள்ள இந்த உள்நாட்டு டி20 தொடர் ஆகஸ்ட் 30 முதல் செப்டம்பர் 13 வரை நடைபெற உள்ளது. இத்தொடரில் விளையாட வாய்ப்புள்ள மற்ற முக்கிய வீரர்களில் சுப்மன் கில், அபிஷேக் சர்மா மற்றும் பிரப்சிம்ரன் சிங் ஆகியோரும் அடங்குவர்.