கிரிக்கெட்: 37 டெஸ்ட் போட்டிகளில் 200 விக்கெட்டுகளை வீழ்த்தி அஸ்வின் சாதனை!

7-வது விக்கெட்டாக வில்லியம்சன்

இப்போட்டியின் தொடக்கத்தில் 36 டெஸ்ட் போட்டிகளில் 193 விக்கெட்டுகளை வீழ்த்தியிருந்தார் இந்திய அணியின் அஸ்வின். இன்று நியூசிலாந்து அணி கேப்டன் வில்லியம்சன் விக்கெட்டை வீழ்த்தி இப்போட்டியில் 7 விக்கெட்டுகளைக் கைப்பற்றினார் அஸ்வின்.

யூனூஸ், லில்லி சாதனைகள் தூள்

ஏற்கனவே பாகிஸ்தானின் வாக்கர் யூனூஸ், ஆஸ்திரேலியாவின் டென்னிஸ் லில்லி ஆகியோர் 38 போட்டிகளில் 200 விக்கெட்டுகளை வீழ்த்தி சாதனை படைத்திருந்தனர். இன்று வாக்கர் யூனூஸ், லில்லி சாதனைகளை முறியடித்தார் அஸ்வின்.

2-வது இடம்

அதாவது 37 போட்டிகளில் 200 விக்கெட்டுகளை வீழ்த்தி சாதனை படைத்த பந்துவீச்சாளர்களில் அஸ்வின் 2-வது இடத்தில் இருக்கிறார். ஆஸ்திரேலியாவின் கிரிம்மேட் 36 டெஸ்ட் போட்டிகளில் 200 விக்கெட்டுகளை வீழ்த்தி முதலிடத்தில் உள்ளார்.

ஆசியாவில் முதலிடம்

ஆசியா அளவில் தற்போது அஸ்வின்தான் மிகவேகமாக 200 விக்கெட்டுகளை வீழ்த்திய முதல் பந்துவீச்சாளர்!

வாழ்த்துகள் அஸ்வின்!