ஆஸி.க்கு எதிரான டெல்லி டெஸ்ட்.. ஒரே நாளில் 2 சாதனை படைத்த அஸ்வின்.. மைல்கல்லை எட்டிய ஜடேஜா

அஸ்வின் சாதனை

இந்த நிலையில் மதிய உணவு இடைவெளிக்கு முன் அஸ்வின் வீசிய ஒரே ஓவரில் இரண்டு விக்கெட்டுகள் எடுக்கப்பட்டது. இதில் ஸ்மித் டக் அவுட் ஆகியும் மார்னஸ் லாபஸ்சேன் 18 ரன்களிலும் அஸ்வின் பந்துவீச்சில் வெளியேறினர்.

இதேபோன்று விக்கெட் கீப்பர் அலெக்ஸ் கேரியும் அஸ்வின் பந்தில் டக்அவுட் ஆகினார். இதன் மூலம் ஆஸ்திரேலியாவுக்கு எதிராக பார்டர் கவாஸ்கர் கோப்பையில் 100 விக்கெட்டுகளை வீழ்த்திய இரண்டாவது இந்திய வீரர் என்ற பெருமையை அஸ்வின் பெற்றார்.

700 விக்கெட்

முதலாவதாக ஜாம்பவான் அனில் கும்ப்ளே 11 விக்கெட்டுகளுடன் முதல் இடத்தில் இருக்கிறார்.இதேபோன்று மற்றொரு சாதனையும் அஸ்வின் படைத்திருக்கிறார். அதன் படி, உள்ளூர் மற்றும் சர்வதேச டெஸ்ட் போட்டிகளில் அடங்கிய முதல் தர கிரிக்கெட்டில் மொத்தமாக 700 விக்கெட்டுகளை அஸ்வின் வீழ்த்திருக்கிறார். இது மிகப் பெரிய சாதனையாக கருதப்படுகிறது. தற்போது பந்துவீச்சாளர்களுக்கான ஐசிசி டெஸ்ட் தரவரிசை பட்டியலில் அஸ்வின் இரண்டாவது இடத்தில் இருக்கிறார்.

ஜடேஜா மைல்கல்

இந்த போட்டியில் அஸ்வின் ஒரு ஐந்து விக்கெட்டுகளை வீழ்த்தினால் முதலிடத்திற்கு செல்ல வாய்ப்பு உள்ளது.இதேபோன்று மற்றொரு கிரிக்கெட் வீரரான ஜடேஜா இன்று உஸ்மான் கவாஜா விக்கெட்டை வீழ்த்தியதன் மூலம் ஜடேஜாவும் சர்வதேச டெஸ்ட் கிரிக்கெட்டில் 250 விக்கெட்டுகளை வீழ்த்தி இருக்கிறார்.

அதிக விக்கெட்டுகள்

இந்தியாவுக்காக சர்வதேச டெஸ்ட் கிரிக்கெட்டில் அதிக விக்கெட் வீழ்த்தியவர்கள் பட்டியலில் அஸ்வின் 460 விக்கெட்டுகளுடன் 2வது இடத்திலும், ஜடேஜா 250 விக்கெட்டுகளுடன் 8வது இடத்திலும் உள்ளனர். ஜடேஜாவுக்கு முன்பு கிரிக்கெட் ஜாம்பவான் பிசன் சிங் பேடி 266 விக்கெட்களை வீழ்த்தி இருக்கிறார். தற்போது ஆஸ்திரேலிய அணி 2வது டெஸ்டில் 200 ரன்களை கடந்து விளையாடி வருகிறது.