ICC தரவரிசையில் டிவிஸ்ட் - அஸ்வினுக்கு சரிந்த புள்ளிகள்.. முதல் இடத்தில் 2 பவுலர்கள்

2 வீரர்கள்

இந்த நிலையில் இந்தூரில் நடைபெற்ற டெஸ்ட் போட்டியில் அஸ்வின் நான்கு விக்கெட்டுகளை வீழ்த்தினார். இதன் மூலம் அஸ்வினின் 6 புள்ளிகள் குறைந்து தற்போது 859 புள்ளிகள் உடன் முதல் இடத்தை இங்கிலாந்து வீரர் ஆண்டர்சனுடன் பகிர்ந்து கொண்டு உள்ளார். ஆஸ்திரேலிய கேப்டன் பேட் கம்மின்ஸ், கடைசி இரண்டு டெஸ்ட் போட்டியில் விளையாடத காரணத்தால் அவர் 849 புள்ளிகளுக்கு சரிந்து மூன்றாவது இடத்தில் இருக்கிறார்.

லயான் முன்னேற்றம்

இதைப் போன்று தென்னாப்பிரிக்கா வேகப்பந்து வீச்சாளர் ரபாடா மூன்று இடங்கள் முன்னேறி நான்காவது இடத்தில் உள்ளார். வெஸ்ட் இண்டீஸ் எதிராக நடைபெற்ற முதல் டெஸ்ட் போட்டியில் ரபாடா எட்டு விக்கெட்டுகளை வீழ்த்தியது குறிப்பிடத்தக்கது. இதேபோன்று இந்தூர் டெஸ்ட் போட்டியில் 11 விக்கெட்டுகளை வீழ்த்திய ஆஸ்திரேலிய சுழற் பந்துவீச்சாளர் நாதன் லயன் ஐந்து இடங்கள் முன்னேறி தற்போது ஒன்பதாவது இடத்தை பிடித்துள்ளார்.

இங்கிலாந்து வீரர்கள் உயர்வு

பேட்ஸ்மேன்களுக்கான தரவரிசை பட்டியலில் ஆஸ்திரேலிய தொடக்க வீரர் கவாஜா 2 இடம் முன்னேறி ஒன்பதாவது இடத்தில் உள்ளார். இதேபோன்று ஏய்டன் மார்க்கரம் 21 இடங்கள் முன்னேறி 33வது இடத்திலும் , வெஸ்ட் இண்டீஸ் வீரர் ப்ளாக்வுட் 12 இடங்கள் முன்னேறி 35 வது இடத்திலும் இருக்கிறார்கள். இதேபோன்று ஒரு நாள் போட்டிகளுக்கான தரவரிசை பட்டியலில் வங்கதேசத்துக்கு எதிரான இரண்டாவது ஒருநாள் போட்டியில் சதம் விளாசிய இங்கிலாந்து வீரர் ஜேசன் ராய் ஐந்து இடங்கள் முன்னேறி தரவரிசை பட்டியலில் 12-வது இடத்தில் உள்ளார்.

ஷகிபுல் ஹசன்

இதேபோன்று இங்கிலாந்து கேப்டன் பட்லர் நான்கு இடங்கள் முன்னேறி 16 இடத்திலும் ,டேவிட் மாலன் 22 இடங்கள் முன்னேறி 35 வது இடத்தில் இருக்கிறார்கள். இதேபோன்று வங்கதேச ஆல்ரவுண்டர் ஷாகிபுல் ஹசன் பேட்டிங்கில் 75 ரன்களும், பந்துவீச்சில் 4 விக்கெட் களையும் மூன்றாவது ஒருநாள் போட்டியில் வீழ்த்தினார். இதன் மூலம் ஒரு நாள் போட்டிகளுக்கான ஆல் ரவுண்டர் தரவரிசை பட்டியலில் அவர் முதலிடத்தில் இருக்கிறார்.